العودة   منتديات رحاب المغرب/ منتديات مغربية > :: المنتدى الترفيهي:: > :: الـنكت والاحـجـيـة والالـغـاز والصور الطريفة::

:: الـنكت والاحـجـيـة والالـغـاز والصور الطريفة:: يختص بالنكت والاحاجي القديمة والتراثية والصور الطريفة::

تفعيل العضوية طلب رقم تفعيل العضوية استرجاع كلمة المرور المفقودة

أي دعاية لموقع أو ايميل سيعرض صاحبه للتوقيف
إضافة على المسنجر للذين يواجهون صعوبة في التسجيل أو الدخول للمنتدى
msn : support@rehabmaroc.com

إضافة رد


قديم 01-24-2010, 10:20 PM   #1


فريق إدارة المنتدى

 الصورة الرمزية tajigte

 
تاريخ التسجيل: Apr 2009
المشاركات: 8,937
Smile35 مجموعة امثال مغربية روعة

الهضرة للسارية و المعنى للجارية.

· قلب البرمة على فمها, تطلع البنت لمها.
· الله يرحم من زار و خفف.
· الي وصل بلاد غير بلادو خل الهم لولادو.
· كون كان الخوخ تايداوي كون داوى راسو.
· الفقيه دحمان, قرا البرة سبع ايام, و قاليهم الخط عيان.
· مية تخميمة و تخميمة ولا ضربة بمقص.
· الحر بالغمزة و العبد بالدبزة.
· اللي ما جا بالمحبة مايجي بحزارة.
· ضربني و بكى, سبقني و شكى.
· الدجاجة غسلات رجليها نسات ماداز عليها.
· إلى مشى الزين ابقاو حروفو.
· اللي دارها بديه افكها بسنيه.
· اللي ماقدو الفيل, زيدوه فيلة.
· ما تيحس بالمزود غير اللي مضروب به.
· لا ديالي بقا ولا وجهي تنقى.
· جا ايعاونو فقبر باه, هرب لو بالفاس.
· شوف بيتو, وخطب بنتو.
· جا اطبو عماه.
· اللي بغا يدفع البلا يتوضأ للصلا.
· هاك و ارا, ما فيها حزارة.
· ما تقطع الواد حتى تبان حجارو وما تمشي في الليل حتى يطلع نهارو وما تصحب صديق حتى تعرف خبارو.
· اللي قال ليك العرس ساهل يسقي لو غير الما.
· حتى كلب ما تيهرب من دار العرس.
· مي, أجي نوريك دار خوالي.
· اللي خلى غذاتو لعشاتو, ما شفع ذاتو.
· الناس في الناس والقرع في مشيط الراس.
· إلى عطاك العاطي, ما تحرث ما تواطي حتى الجبال الطاطي.
· طاحت الصمعة, علقو الحجام.
· انا في همو كندادي وهو فتقلاع وتادي.
· عيبك أولية ربيه ليا.
· وريه وريه, و الى عما سير و خليه.
· اللي بغى لعسل يصبر لقريص النحل.
· السفيه تينطق غبر باللي فيه.
· اللي عضو الحنش, تيخاف من الحبل.
· اللي جا على المناول سدة, و اللي جا على الغذا تغذى.
· فالمقلة و تيحنزز.
· المندبة كبيرة و الميت فار.
· الدار دار بونا, وعبيد بانا اطردونا.
· اللي قال العصيدة باردة, ادير يدو فيها.
· مكلسني كلسة خوك و حاسبني حساب عدوك.
· عيات موت الحمق ما تعض فشاربها, قاليها من جهتي غير قطعيه.
· علاش عطيتي ميتين يعطي لباك كيتين, لا خد حمر لا سوالف ملوية.
· لالا زينة و زادها نور الحمام.
· تيبيع القرد و تيضحك على اللي شراه.
· اللي بغى الزين, يصبر لتقيب لودنين.
· ما عند القرعة ما ترعى من غير مشيط راسها.
· كون تصحابها تكتاب, من دق الباب.
· شكارت العروسة مها, خالتها و الحزارة جارتها.
· عطاونا ثلث كواش, منهم غطا و كواش.
· الشوف ما يبرد الجوف, والناقة ما ترضع الخروف.
· الحرفة الى ما غنات تستر, أو واقيلا تزيد فالعمر.
· اللي ما تيخيط كساتو, يطيب غذاتو, يحلب شاتو عزيه فحياتو.
· المعروض فنهارو, يبقى فدارو.
· الهضرة عليك أ لحادر عينيك.
· إلى مات البو توسد الركبة, الى مات الأم توسد العتبة.
· إلى طلقتي المرا, ما توريها دار باها.
· الطلاب يطلب و مرتو تصدق.
· العمى و العميات و ظفار الجنيات, الأولى تصوت, و الثانية تلوط, و الثالثة تضرب البوط.
· لا تسرج حتى تلجم و عقد عقدة صحيحة, و لا تكلم حتى تخمم لا تعود عليك فضيحة.
· الزين بحروفو؛ ديه لمو تشوفو, القرع بفلوسو؛ أرا داك الراس نبوسو.
· حماتي لالتي و بنتها مولاتي.
· حماتي و جه الدلو, هي حارة و ولدها حلو.
· كثرة عطيني ما تخلي حد يبغيني.
· دخل ياكل الفريك أصبح معانا شريك..
· اخدم يا صغري على كبري..
· اخدم بكري ولا روح تكري.
· خبز الدار ياكلو البراني.
· دخلناهم يشربوا الرايب قالوا حقنا فالزرايب.
· دوام الحال من المحال.
· الدنيا دراعة كل واحد كيلبسها ساعة.
· نوصيك يا واكل الخوخ من عشرة رد بالك , في النهار تظل منفوخ وبالليل تبات هالك.
· الزين, الا زين الفعال.
· وجه الشارفة ما يخفى, ولو تحكو بالحلفة.
· اللي مدت يدها للحنة, تمدها كلها.
· الزين في بناتنا سلالة, من العمة للخالة.
· امدح صاحبك مع الناس, و لومو الراس فالراس.
· لو كان الصفيحة ترد العار, لو كانت رداتو على الحمار.
· كون أزماني حرش, و ها وجهي بوس و طرش.
· تفكر حبيبك و هواه, تفكر فعايلو و نساه.
· العشق المزروب, كله عيوب.
· ما كينسي البنت في امها غير همها.
· حل عينيك قبل الزواج, أما بعدو غير غمضهوم.
· الهم المنحوس, خليتو فدار با لقيتو فدار العروس.
· اللَّهُمَّ بْخُّوشَه وْتْونّس وَلاَ يَا قُوتَه وْتْهَوَّسْ.
· دِيرْ عِينْ شَافَتْ وَعِينْ مَا شِافْتْ.
· اللِّي كَيْعَمْلُه يَبْلِيسْ فْعَام, تْعْمله العْكُوزَة فْسَاعهْ.
· أش خاصك العريان الخواتم آمولاي.
· الشطابا أعروسا والجفاف أنفيسة.
· ما نعطيوش خيرنا لغيرنا.
· زواج ليلة تدبيره عام.
· تا تطلب الزيت من السفناج.
· الفقيه اللي نتسناو براكته ادخل للجامع ببلغته.
· اربط احمارك مع الحمير، يتعلم الشهيق والنهيق وخرجان الطريق.
· إيلا ارخص الشعير اغلات الحمير.
· الحمار مخبي ووذنيه برّا.
· اجيو تعلمو الحسانه في روس اليتامه.
· طاجين الشمايت، النصبا وقلة ليدام.
· احمر يا المشكورة، دبحو الجرو وصلاو على الهيدورة.
· اللي ضرقك بخيط ضرقو بحيط.
· اللي اطيبو المعفونة ياكلو رجلها.
· الي دار راسوا قي النخالة ينقبوه الدجاج.
· مبعيدة غير تادلة اما سبع حمير موجودة.
· لي ضروا رسوا, اعاود لرسوا.
· الكلب الى ما نبح ماعند مولاه فيه ربح.
· حزموني ورزموني ولا تعولو عليا.
· الى تقادو لكتاف يعود الكبير يخاف.
· اللي تيشطح ما تيغطيش وجهو.
*
اللهم النعاس في الخلا ولا ضيافة البخلا, اللهم النعاس في البرد ولا ضيافة القرد.
*
كل قرد في عين مو غزال.
*
الرجل بالهمة أما اللحية راها حتى عند العتروس.
*
هبيل تزوج هبيلة وتهنات القبيلة.
*
حتى زين ما خطاتو لولا.
*
العتبة مجرودة والركاني بالدودة.
*
لو كان الحمام تيبيض كون بيض قبابو.
*
الزين تيحشم على زينو والخايب الا هداه الله.
*
اللي تسحر مع البعالك يصبح فاطر.
- النواض (لفياقة) بكري بالذهب مشري.

- لحوانت متصافه و الارزاق مختلفة .

- باش تاكل الشوك أ عمي الجمل, باللسان لحلو.

- لعروسه فوق الكرسي معرفتي فين ترسي.

- لوجه المشروك عمر ما يصف.

- الجديد جديد و لبالي لا تفرط فيه.

- دير ما دار جارك ولا حول باب دارك.

- الدوام يثقب الرخام.
- الخُبْز والمَا مَا تْخَلِّي عَلَى القَلْبْ غمَّه.

- دارنا ساترة عوارنا.

- السلطان بالتاج و كيحتاج.

- اللي عضو الحنش كيخاف من الحبل.

- ختار الجار قبل الدار.

- - اللي قال ليك قال عليك.
- جا يكحلها عماها.
- على قد لحافك مد رجليك.
- عين بنادم مايعمرها غي التراب.
- سال المجرب ماتسال الطبيب.
- شكون يحك القرع غي ظفارو.
- عشرة د ليهود على قنفود ومادبحوه .

- اللي مشى بلا عراضة يجلس بلا فراش.

- لمكسي بديال الناس عريان .

- عند رخصو تخلي نصو.
- اللي سبقك بليلة سبقك بحيلة

التعديل الأخير تم بواسطة tajigte ; 03-05-2010 الساعة 07:18 PM
tajigte غير متواجد حالياً   رد مع اقتباس

قديم 01-25-2010, 11:37 AM   #2


 الصورة الرمزية السفاح

 
تاريخ التسجيل: May 2009
الدولة: =ورزازات= هوليود افريقيا
المشاركات: 1,623
افتراضي

بارك الله فيك

السفاح غير متواجد حالياً   رد مع اقتباس

قديم 01-25-2010, 01:21 PM   #3


إدارية سابقة

 الصورة الرمزية layla

 
تاريخ التسجيل: Oct 2008
الدولة: في قلب امي
المشاركات: 6,289
افتراضي

امتال شعبية رااائعة
مشكووورة يااختي الفاضلة على ماتقدميه لنا من مواضعك المتميزة

__________________

layla غير متواجد حالياً   رد مع اقتباس

قديم 01-27-2010, 01:39 PM   #4


 
تاريخ التسجيل: Nov 2009
المشاركات: 204
افتراضي

النمل الى بغى يعذبو الله, تيدير ليه الجناح
ما حد ليتيمة تتبكي, و ربي تيزيدها
مثل هذه الامثال لايجب قولها فهي كفر بالله فكيف لله ان يعذب النمل او اليتيمة الباكية هذا حرام قوله وكذا كتابته

roka غير متواجد حالياً   رد مع اقتباس

قديم 01-28-2010, 04:12 PM   #5


 الصورة الرمزية monati

 
تاريخ التسجيل: Apr 2009
الدولة: كلميمة وحاليا في كلميم
المشاركات: 12,364
افتراضي

شكرا اختي تيفا

monati غير متواجد حالياً   رد مع اقتباس

قديم 01-28-2010, 09:12 PM   #6


فريق إدارة المنتدى

 الصورة الرمزية tajigte

 
تاريخ التسجيل: Apr 2009
المشاركات: 8,937
افتراضي

اقتباس
مشاهدة المشاركة المشاركة الأصلية كتبت بواسطة roka
النمل الى بغى يعذبو الله, تيدير ليه الجناح
ما حد ليتيمة تتبكي, و ربي تيزيدها
مثل هذه الامثال لايجب قولها فهي كفر بالله فكيف لله ان يعذب النمل او اليتيمة الباكية هذا حرام قوله وكذا كتابته

بارك الله فيك اختي على النصيحة نسيت ماحيتهم

__________________


tajigte غير متواجد حالياً   رد مع اقتباس

قديم 01-28-2010, 09:13 PM   #7


فريق إدارة المنتدى

 الصورة الرمزية tajigte

 
تاريخ التسجيل: Apr 2009
المشاركات: 8,937
افتراضي

بارك الله فيكم على المرور

__________________


tajigte غير متواجد حالياً   رد مع اقتباس

قديم 02-01-2010, 11:31 PM   #8


 الصورة الرمزية DMAJ

 
تاريخ التسجيل: Dec 2009
الدولة: المغرب الحبيب
المشاركات: 340
افتراضي

تراث جميل جدا شحال من مثلة نسيناها شكرا لك

DMAJ غير متواجد حالياً   رد مع اقتباس

قديم 02-02-2010, 10:21 AM   #9


فريق إدارة المنتدى

 الصورة الرمزية tajigte

 
تاريخ التسجيل: Apr 2009
المشاركات: 8,937
افتراضي

اقتباس
مشاهدة المشاركة المشاركة الأصلية كتبت بواسطة DMAJ
تراث جميل جدا شحال من مثلة نسيناها شكرا لك

بارك الله فيك اخي

__________________


tajigte غير متواجد حالياً   رد مع اقتباس

قديم 02-15-2010, 12:09 AM   #10


 الصورة الرمزية عاشقة

 
تاريخ التسجيل: Feb 2010
الدولة: المغرب
المشاركات: 22
افتراضي

تبارك الله عليك قمة الابداع والله الى فكرتنا فشحال ديال لامثال نسيناهم ههههه شكرا جزييييلا

__________________

عاشقة غير متواجد حالياً   رد مع اقتباس
إضافة رد



الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 06:01 PM.
 sitemap
سياسة الخصوصيه Privacy Policy
 
Powered by vBulletin


Copyright ©2000 - 2009, Jelsoft Enterprises
RehabMaroC.Com