تفعيل العضوية طلب رقم تفعيل العضوية استرجاع كلمة المرور المفقودة

أي دعاية لموقع أو ايميل سيعرض صاحبه للتوقيف
إضافة على المسنجر للذين يواجهون صعوبة في التسجيل أو الدخول للمنتدى
msn : support@rehabmaroc.com

إضافة رد


قديم 04-29-2010, 11:15 AM   #1


فريق إدارة المنتدى

 الصورة الرمزية tajigte

 
تاريخ التسجيل: Apr 2009
المشاركات: 8,937
Forum New ملحق ركن اللقاء المفتوح 1







هذا الركن سوف اخصصه بالوصفات المطبخية لكي يستفيد منه الكل
الملف يضم كل الوصفات التي لم يسمعها الكثير منذ بدايته
واتمنى من الله عز وجل ان يجزي كل متصلة قامت بطرح وصفاتها الى ركن المستمعين
مقادير كاس العنبة المعلوم
كاس سنيدة=175
كاس سميد رقيقة=140
كاس طحين=110
كاس كاكاو اى شكلاط غبرة=90
كاس الارز=150




الكاشير
4 بيضات+كاس الزيت+كاس فورص+2فرماجات+2 معالق صغار ديال الكمون+1كنور بقري+2م ص معدنوس+2دروس الثوم كنضربو كلشي في الضراب الا فرص ونضيفوه في الاخير ونديروه في صاشي ديال السباكيتي
ونديروه يطيب في الكوكوط 15 دقائق


غريبة الكوك والطحين
6البيضات 2خمارات 2كيسان العنبة سكر كلاصى نصف كيلو كوك 2كيسان زيت 2كيسان فورص 1فانى نخلط الكل ونخليها ترتاح شوية لانها كتجى مرخوفة شوية وماتزيدى ماتنقصى فى المقادير عمليها غريبة دوزيها فى ماء الزهر وعمليها فى سكركلاصى

مقادير الفقاص

200زبدة+500فورص+ملح+كنورا+فروماجة مربعة+50فروماج محكوك+نصف كاس ماء للعجن+زعتر مطحون
نخدم زبدة والملحونرمل باليد +كنور مفرتت+فروماجة والفروماج محكوك ونعجن بالماء تكون رطبةوندخلها للثلاجة 30د ونطلقها بالمدلك ونرش الزعتر ونلوة 3للويات اى نبرمها بحال الا غادين نديرو الشنيك غير ثلات مرات ونقطع ونعاود نلوى ثلات لويات ونقطع حتى نكمل وندخلهم للمجمد3ساعات
ثم نقطعهم بحال الشنيك







حلوة الجوز

250غ كركاع او جوز مقطع صغير
250غ زبيب مقطع صغير
حك نستلي طايب
500ج شكلاط اسود دايب
تخلط كل المقادير وتكور وتفند في الكوكو وتوضع في الكويغطات
يحتفظ بها في الثلاجة


بيتزا

زلافة الفورص +م صغيرة موطارد +ملح +3 م كبار زيت الزيتون+يبزار + زعتر محكوك+ 1 خمارة يجمع بالماء تدلك و تترك ترتاح
الحشوة بصلة صغيرة مشلدة +نصف فلفلة خضرا مقطعة + نصف فلفلة حمراء+ حك الفكيع+ حك الدرة معالبة + حك الطون الزيت مقطرماح يبزار
نطلقوا لباط في مول مربع كبير بعدما ندهن المول بالزبدةونغبر بالسميدة رقيقة وتطلق لباط من فوق تدهن بالموطارد ثم تدهن بالكيتشاب تثقب بالفورشيط و يكب عليها الخليط و تعمل من فوقها زيت الزيتون و الزعتر ندخلوها للفران



حلوة على شكل كركاعة



كيلو لاروب جنجلان + رابعة كوك + 6 بيضات + 400g سكر كلاصي

الطريقة
نعملو السكر مع البيض ونزيدو عليه الكوك تم نضيف الجنجلان المحمر والمطحون ونجمعو الخليط ونخرجو من بوق اليد على شكل كركاعة وندخلها الى الفرن وبعدما تطيب نلصقها بالشكلاط ابيض



القريشلات ديال عاشوراء
المقادير :
بالنسبة للقريشلات : كيلو دقيق 2 كيسان زيت 2 كيسان سنيدة 2 بيضات نص كاس ماء الزهر 2 خميرة كاس صغير زنجلان محمر نصف كاس نافع شوية الملح الى ما تجمعاتش زيدي شوية الماء انا زدت ماء الزهر
ثم نعملوها حرابل وتدخل الى الثلاجه تقصاح ثم تقطع وتدخل الى الفرن بالنسبة للكيكة
2 بيضات كاس زيت كاس حليب كاس سنيدة 2 خميرة 2 لافاني 2 كيسان و نصف دقيق كتجي لديدة و كتوجديها في وقت قصير و انا كنسقيها بنيسكافي مخلطة بالماء طايب و كنزينها بالشكلاط



حرشة


المقادير مع الطريقة

كيلو السميدة رقيقة

2 كيسان عنبة السكر
2 كيسان الزيت عنبة دائما
2 كيسان الفورص
4 خمارات حمراء
ملح
معلقة كبيرة خمارة المعجونة
م كبيرة نافع
2 م ك الجنجلان
4 كيسان ماء دافىء نعملوا 3 كيسان و 4 حتى يلا جات قاصعة
يعجن الكل ثم يضاف الماء تكور كويرات مثل التينيسة ترغ في سميدة الغليظة و تعمل في لاطة مزية و مرشوشة فيها سميدة و تفلح بالموس من فوق 4 فلحات للفران







السمن البلدي


كاس كبير ماء +2 معالق كبار ملح + 2 معالق كبار زعتر يغلى ربع ساعة ويبقى يبرد
في قصرية تعمل نصف كيلو زبدة العبار ونضيف لها الخليط الاول ونعجنها مزيان بحال الخبز ثم نخليها تشرب الملح مدة ساعتين
ونملع في قرعة نسدها مزيان وبعد 2 الاسابيع يكون السمن موجود







كيكة بدقيق الذرة
المقادير
1دانون+كاس دانون زيت+كاس دانون سنيدة +3بيضات+2خمارات حمر+دقيق الدرة.
الطريقة
تخلط المقادير جيدا ويضاف لها دقيق الذرة حتى الحصول على العجينة الاعتيادية للكيكة ونضعها في مول وندخلها للفرن وبعد اخراجها تسقى بعصير الليمون وقليل من السكر



غريبة بكاكاو
زلافة سنيدة+رابعة زبدة+خمارة+زلافة زيت+ 100غ بودرة كاكاو+بيضة واحدة نخلطوا كلشي نخليو بودرة كاكاو هي الاخرة طحين حسب الخليط تكون العجين مرخوفة تقسم نصفين نصف يبقى عادى والاخر ندير معاه بودرة كاكاونكورها ناخذ شوية من الملونة شوية من العادية نشكل كويرة يكونوا فيها زوج لوان وتدخل الفرن
طجين كويرات كبايلا
كيلو كبايلا منقية و مغسولة و مطحونة على شكل كفتة
راس ملعقة صغيرة سكين جبير
بزار + ملح + كمون + تحميرة
نصف كيلو مطيشة محكوكة
شوية قزبر مقطع
3 ضروس ثوم محكوكين
شوية زيت بلدية و زيت المائدة
نصف حامضة مصيرة مغسولة مزيان
الطريقة
نديرو مطيشة محكوكة في طجين و نزيدو عليها الثومة و القزبر و الملح و البزار و سكين جبير و الكمون و التحميرة و الزيت و نخليوها تتقلى شوية
نخلطو كفتة الحوت مع القزبر و الملح و الكمون و التحميرة ونديروها كويرات و نستفوهم فوق لاصوص ديال مطيشة و نزينو بالحامض مصير و نخليو الطجين يطيب على نار مهيلة ثم يقدم بالصحة و الراحة

حلوة بالخل

قرعة الخل صغيرة+رابعة الزبدة+كاس سنيدة+كاس زيت+طحين حسب الخليط تعجن عادي تدلاك بدلاك وتقطع بالمرشم الي بغيتي و تدخل الفرن من نخرجوها نلصقوا وحدة مع وحدة بالكونفتير ثم نمرمدها في سكر صقيل








__________________



التعديل الأخير تم بواسطة tajigte ; 04-29-2010 الساعة 12:47 PM
tajigte غير متواجد حالياً   رد مع اقتباس

قديم 04-29-2010, 11:30 AM   #2


فريق إدارة المنتدى

 الصورة الرمزية tajigte

 
تاريخ التسجيل: Apr 2009
المشاركات: 8,937
افتراضي

شو معمرين بحشوة الدجاج

مقادير العجينة
80غ زبدة+150غ طحين+3او4 بيضات+ شوية الملحة+2معالق صغار سكر.
نخلط الزبدة مع الماء فوق نار +ملح وسكر حتى يدوبوا نزولهم او نزيد طحين دقة وحدة نعود نرجعهم فوق عافية مهيلة حتى نجمع نطفي عليهم العافية نخليه يبرد نزيد البيض وحدة بوحدة حتى ترخاف لعجينة نهزها بالمعلقة في حجم الكركاع او نستف في طاوة ندخلها الفرن لانفتح عليها الفرن كنخليما 20د بنسبة لي عندها الفران مكيبينش من تبرد نعمرها بالحشوة.
الحشوة
صدر دجاج مقطع+بصلة مشلضة+نصف كاس زيت+ هعلقة صغيرة ابزار +سكنجبير+نصف رابعة لوز مصلوق مفسخ مقلي مطحون+ معلقة القرفة+شوية الزعفران+ملح+1 معلقة سكر
كنشحرو كلشي+كاس الماء +سكركنزول لحم لعضيمات لي فيه او كناخذ لوز مصلوق او نبدا نعمر فلي باط شو

قهوة سخونة بشكل جديد
المقادير
شكلاط galaxy او اي نوع يشبهه+ماء غليان5كيسان او حسب الكؤوس لي بغينا نحضروا كنضيفوا الماء معلقة صغيرة قهوة لكل فنجانكنعملوا كلشي في الخلاط حتى يتجانس ونقدموه سخون

البقولة بلا ما تبخريها او تصلقيها
باش تبقى لينا البقولة بالفيتامينات ديالها هذي سمعتها في الراديوا قالتها واحد الاخت الله يجزيها بلخير كان نعملوا فل كوكوط ربطة قزبر مع معدنوس ثومة ملح كامون ابزار زيت بلدية و نباتية تحميرة ث نخوي كلشي مع كاس ديال الماء او نسد عليه العافية تكون مهيلة باش ميتحرقش لينا البقولة من طيب نشوفوا الى فيها الماء كندخوي كلشي في مقلى او نشحرهم حتى تنشف من لماء او نزيد حامض مرقد اوزيتون
فقاص مالح
250غ زبدة+نصف لتر حليب+كاس صغير زيت+4مربعات فرماج او مثلثات لي بغيتوا+خمارة+شوية ملح او ابزار 2معالقكبار موطارد+2 معالق تحميرة سودانية حسب الرغبة دقيق حسب خليط رابعة فرماج احمر محكوك هذه المقادير كثيرة لي بغات تنقص منها تنقص
نخلط جميع العناصر الا فرماج نطلقوا العجين بالدلاك او ندردروا لفرماج او نلويو كندخلوها المجمد من نخرجها نقطعوها كي بغينا وندخلوها الفرن حتى تحمر وتقدم
الغريبه الرباعيه
رابعه كاوكاو محمر ومطحون بقشورو+رابعه سكر كلاصي+ربع لتر زيت+دقيق حسب الخليط
ناخد كاوكاو+سكر كلاصي+زيت ونخلط مزيان من بعد نزيد الدقيق حتى تجمع ثم نعمل كويرات او كعيبات حسب الرغبه وندخلها للفرن ملي تطيب ندوزها فى السكر كلاصي
الغريبه
150gجنجلان+150gكاوكاو محمر ومقشر+150gسميد غليظ+150gكوك+150gسنيده+2معالق كبارعسل او كوفيتير مشماش+بيضه كبيره او 2صغار+20gالزبده+خماره+نص كاس ماء الزهر او حسب الخليط
ناخد كاوكاو+جنجلان+كوك+سميد+سنيده ونطحنهم ونزيد عليهم العسل اوالكوفتير ونزيد البيضه ونزيد ماء الزهر والزبده وفي الاخير الخماره ونجمعها ونعمل كويرات نفندها في السكر كلاصي ثم نعملها في طاوه وندخلها للفرن مدة 15دقيقه.

__________________


tajigte غير متواجد حالياً   رد مع اقتباس

قديم 04-29-2010, 11:33 AM   #3


فريق إدارة المنتدى

 الصورة الرمزية tajigte

 
تاريخ التسجيل: Apr 2009
المشاركات: 8,937
افتراضي

داناب
10ملاعق حليب نيدو
10ملاعق سنيدة

1فاني
1دانون بنان
2لتر ماء
الطريقة:
نأخد لتر من الماء نخلطوا معه جميع المقادير ونديروه في الكوكوط تكون دافئ ونصبوا فيها المقادير ولتر الاخر ديال الماء نغليه ونزيدو عليه المقادير الاخر ونحركوه ونسدوا الكوكوط وندخلها في ميكة ولوها في زيف يكون غليظ وتترك ليلة كاملة وفي الصباح يكون واجد

__________________


tajigte غير متواجد حالياً   رد مع اقتباس

قديم 04-29-2010, 11:52 AM   #4


فريق إدارة المنتدى

 الصورة الرمزية tajigte

 
تاريخ التسجيل: Apr 2009
المشاركات: 8,937
افتراضي

بسكوي مالح باللوز
100gالزبده+200gفرماج احمر محكوك+200gحتى ل 250gالدقيق+شوية التحميره+رابعه رقائق اللوز+بيضه+شوية الملح.

ناخد الزبدة ونزيد الملح والفرماج والتحميره ونخلط ونجمعها بالدقيق نسرحها بالمدلك نص سنتيم في السمك وندهن بلبيضه ثم نرش رقائق اللوز وندوز الدلاك فوقهم ونقطع بلمرشم الشكل لي حبينا.


حرشة البرتقال لاخت فاطنة من تزنيت
4 بيضات+1 لفاني +2 خمارات
100 جرام سميدة رقيقة +150 فورص +125 سنيدة او 80
كاس صغير البرتقال + كاس صغير زيت
الطريقة
البيض + سكر + زيت+عصير البرتقال+سميدة +فورص+خمارة+و تعمل في مقلة وجدة للفران بعد الخروج من الفران ناخد رابعة عصير البرتقال + م كبير سنيدة او كنفتير و تسقى الحلوى و هي سخونة و العصير بارد


فقاص بالحليب المركز.
4 بيضات، 4 خميرة الحلوى- كاس صغير حليب مركز مسوس- كاس عنبة زنجلان محمر _ كاس لوز محمر ومهرمش- معلقة كبيرة النافع صحيح - كاس عنبة النشا - 4 كيسان الزيت - 4كيسان سنيدة- كاس ما الزهر- الطحين حسب الخليط

الطريقة
نخلط جميع العناصر وانضيف الطحين فالاخير ثم انبدا انعمل حرابل طويلة نثقبها شوية بعود الاسنان وندخلها لفران بارد عاد انشعلوه وانطيبوها نصف طايبة ومين نخرجوها انغطيوها بمنديل فازك شوية بالما ونخليها حتى الغد عاد انطيبوها بعد ماندهنوها بالبيض مخلط مع شوية اديال الشوكولا.



مقادير الحليب المركز المحلى:
* كأس حليب غبرة
* كأس مثله ماء
*كأس مثله سنيدة
الطريقة تنطربو الحليب غبرة مع الماء والسنيدة بالطراب اليدوي مزيان حتى يتحل الحليب ومايبقاش مكور ثم بعد ذلك نديروه فوق البوطة وتكون مهيلة وتبقاي تحركي حتى يختار بعاشق ديال العود ثم بعذ ذلك تخليه حتى يدفى وديريه في قرعة ديال الزجاج وتخليه حتى يبرد وتسديه والا بغيتي ترجعيه كراميل ديريه في طنجرة الضعط مع الماء يكون واصل حتى يفوت نصف القرعة شوية وتسدي عليه في الطنجرة مدة ساعة لاروب وتخلي حتى تبرد الطنجرة واستعمليه جربيه وأعطيني رأيك. الا بغيتيه غير محلى مديريش سنيدة.

كيكه بالسميد
3بيضات+دانون فاني+2حكاك دانون سميد رقيق+حك دانون سنيده+نص حك دانون الزيت +2خمارات+قبصه ملح+حامضه محكوكه +حك دانون كوك
كناخدو البيض نطربوه مع السنيده مزيان ونزيد دانون والزيت والقشره ديال الحامض والملح والخمارات والسميد والكوك ثم نصب الخليط في مول مدهون وندخلها للفرن ملي تطيب سقيها بعصير الليمون

القرشلات الحارين
3بيضات
2معالق لموتارد
2معالق معدنوس
5فصوص ثوم
ملح
2ضامات كنور
100غ فرماج احمر محكوك
كاس زيت الرومية
250غ زبدة
زعفران-طحميرة
1خمارة حمراء
دقيق حسب الخليط
الطريقة:
نأخد اناء ونخلطوا فيه البيض ولموتاردمعدنوس وثوم وملح كنور فرماج وزيت تعجن مزيان ونقسمها الى 3 واحدة نديروا ليها قزبور مقطع مزيان والاخر نديروا لها طحميرة والاخيرة زعفران وتحربل وتقطع بالمقص اوموس وتدخل الفرن واللي بغى يدير لا السودانية كي يجي زوين بزاف واللون كي يشهوا


يتبع باذن الله

__________________


tajigte غير متواجد حالياً   رد مع اقتباس

قديم 04-29-2010, 11:54 AM   #5


المشرفة العــــامة

 الصورة الرمزية شمس الضحى

 
تاريخ التسجيل: Feb 2010
الدولة: الدارالبيضاء
المشاركات: 10,358
افتراضي

جزاك الله الف خير اختي زهرة على هذا المجهود
تحياتي

شمس الضحى غير متواجد حالياً   رد مع اقتباس

قديم 04-29-2010, 11:57 AM   #6


فريق إدارة المنتدى

 الصورة الرمزية tajigte

 
تاريخ التسجيل: Apr 2009
المشاركات: 8,937
افتراضي

اقتباس
مشاهدة المشاركة المشاركة الأصلية كتبت بواسطة شمس الضحى
جزاك الله الف خير اختي زهرة على هذا المجهود
تحياتي

الله ابارك فيك اختي شمس

__________________


tajigte غير متواجد حالياً   رد مع اقتباس

قديم 04-29-2010, 12:29 PM   #7


 الصورة الرمزية يقين

 
تاريخ التسجيل: Feb 2010
الدولة: المغرب
المشاركات: 112
افتراضي

بارك الله فيك على المجهود وجعله الله لك في ميزان حسناتك

__________________
لا اله الا الله

يقين غير متواجد حالياً   رد مع اقتباس

قديم 04-29-2010, 12:40 PM   #8


فريق إدارة المنتدى

 الصورة الرمزية tajigte

 
تاريخ التسجيل: Apr 2009
المشاركات: 8,937
افتراضي

الله ابارك فيك اختي
شكرا على الزيارة

__________________


tajigte غير متواجد حالياً   رد مع اقتباس

قديم 04-29-2010, 01:05 PM   #9


فريق إدارة المنتدى

 الصورة الرمزية tajigte

 
تاريخ التسجيل: Apr 2009
المشاركات: 8,937
افتراضي

سابلي بالكاراميل :
50 غرام سنيدة
250 غرام زبدة مدوبة
1 لفاني
2 بيضات
700 غرام دقيق
1/2 كيس خمارة الزا
تدلك العجينة ثم تقطع قلوب او دوائر ☺♥ ثم تطهي بشكل كلاسيكي ثم تدهن بقليل من الكاراميل * نسلي * و تزين باللوز المسلوق من الفوق

رغيفة العيد :
1 كلغ دقيق ابيض
1/2 دقيق صلب * فينو *
100 غرام زبدة
1 بيضة
3 معالق ماء الزهر
ملح
زعفران حر
1 خمارة الزا
ملعقة صغيرة خميرة معجونة
الماء دافئ لجمع العجين
نكور العجين تم نسمن الكويرات و نقليها و ندوزوها من العسل و نرش عليها اللوز مهرمش.

الكوفيتير بقشور اليمون :
زلافة قشور ليمون مصلوق 2 مرات و مصفي
زلافة سنيدة
زلافة و ربع ماء
يخلط الكل و يطبخ على نار هادئة مع 1/2 حامضة معصرة ختي الطهي التام ...........و ها الكوفيتير وجد بالصحة و الراحة..............

كيكة بالكوك :
85 غرام زبدة لينة
250 غرام سكر سنيدة
1 خنيشة لفاني
3 بيضات
100 غلاام كوك
كاس يوغورت حلو
40 غرام مايزينة
2 خنيشة خميرة كيماوية
185 غرام دقيق

تجمع المقادير كلها و تطهى كاي كيكة عادية تث تدهن بالمربى و ترش بالقليل من الكوك.


البيني :
500 غرام دقيق
ملعة كبيرة سكر سنيدة
رشة ملح
بيضة
1 كيش فاني
خميرة معجونة
كاس كبير ماء
زيت للقلي
مسحوق السكر او سكر سنيدة للتزيين

نحضر العجين و نبسطها الى سمك 4 مليمتر تقريبا و نقطعها دوائر ثم نجوفها من الوسط و تترك حتى تخمر ثم تقلى في الزيت و تزين بالسكر بودرة.

طاجين باللحم و التفاح المعسل :
يطهى اللحم بشكل عااااادي ( زيت / توابل / بصل )
التفاح: قسم على نصف و يطهى في الماء ثم يعسل بالسكر و القرفة
نحضر حشوة التفاح ( زبيب منقوع في ماء ساخن / جوز مقطع صغير ) يعسل الكل مع القرة و السكر و تعمر انصاف التفاح بهذه الحشوة .
في الاخير صب اللحم في اناء التقديم و نزينه بانصاف التفاح المعمرة..........و شهية طيبة

بناشي بالفرماج :
1/2 حليب
2 قطع فرماج مربع
كاس يوغورت مسوس
كاس عصير البرتقال
سكر حسب الذوق
يخلط الكل في الخلاط و يقدم باردا.

عصير
2 بطاطس مسلوقات و مقشرات و مقطعات
.. خزوات
1 لتر لبن
1 لفاني
يوغورت بنان
1 قطعة فروماج مربع
سنيدة حسب الذوق

يخلط الكل في الخلاط الكهربائي و يقدم باردا

بطاطا سريعة التحضير

1 خزو محكوك
1 كرعة محكوكة
1 بصلة مشلدة
1 م ك زبدة
م سكين جبير خضر
2 ضرس ثومة
ملح ابزار سودانية
بيضة
راس م ص بيكاربونات صودا
4 بطاطا كبيرة محكوكين و معصرين من الماء مزيان

ناخدوا البصل نحمروه فالزبدة مع سكين جبير و الثوم
ثم نضيفه الكرعة و خزو و التوابل و نتركهم يتشحر
ثم نضيفو الخليط للبطاطا و البيضة و البيكاربونات
نخلطوهم مزيان و نعمروا بيهم كواغط الحلوة و نعملوا عليهم الفروماج و ندخلوهم للفرن متوسط 15 الى 20د

بطاطا معمرة في الفرن
المقادير
4 بطاطات كبار (من الاحسن تكون بيضا )
شوية جلبانة
2 خيزوات مقطعين مكعبات صغار
معدنوس مقطع
فرماج محكوك
صوص بيشاميل
بزار ملح
لاشابلير(تقريبا ثلاثة معالق كبار )
نغسلو البطاطا مزيان و نخليوها بقشورها ثم نلويوها في ورق الالمنيوم و نشويوها في الفران
ندخلو فيها السكين باش نشوفو واش دخلها الطياب و نخرجوها ما تطيبش بزاف
منين تكون البطاطا في الفران نصلقو خيزو و الجلبانة مع شوية الملح ثم نصفيوهم
نقسمو البطاطاعلى جوج و نخويوها شوية بملعقة صغيرة
نخلطو البطاطا اللي زولنا مع خيزو و الجلبانة و شوية الملح و البزار و المعدنوس و صلصة البشاميل ونعمرو البطاطا ونرشوها بلاشابلير ثم نديرو فوقها الفرماج محكوك و ندخلوها للفران غير يذوب الفرماج ويتدهب اللون ديالها ونخرجوها ثم نقدموها بالصحة و الراحة كتجي غزالة خصوصا للعشاء

صبيعات بالكفتة و الخضر في الفرن
المقادير
رابعة كفتة
قزبر و معدنوس مقطعين
بزار سكين جبير ملح راس ملعقة صغيرة قزبر يابس مدقوق
رابعة بطاطا مقشرة و محكوكة رقيق و معصرة من الماء
رابعة خيزو مقشر ومحكوك رقيق و معصر
بصلة متوسطة محكوكة في الجهة الغليضة ومعصرة من الماء
بيضة
ربع كاس عنبة زيت مائدة
الطريقة
نخلطو كل المقادير اللي عندنا مزيان و نديرو منهم صبيعات او كويرات ونديروهم في لاطة مدهونة بالزيت و ندخلوهم للفران يطيبو ثم نقدموهم بالصحة و الراحة
هده المقادير كتعطي نصف كيلو
الا بغينا نديروهم طجين كناخدو الطجين نديرو فيه شوية زيت بلدية و نستفو دوائر بصلة و مطيشة ونديرو فوقهم الكويرات ديال الكفتة و الخضر ونغطيوهم بدوائر البصلة و مطيشة و نرشو من الفوق بالتوابل ونديروهم يطيبو على نار مهيلة دون اضافة الماء و بالصحة والراحة

الفريت ديال خيزو
نصف كيلو خيزو من النوع الجيد
2 بيضات
3 معالق كبار طحين (القدر الكافي باش ندوزو فيه خيزو )
ملح بالزايد
نقشرو خيزو و نقطعوه بحال الفريت و نغطيوه بالملح ونخلطو مزيان و نخليوه 2 ساعات حتى يترخى و نسوسوه من الملح بلا ما نغسلوه و ندوزوه من البيض مطرب ثم الطحين و نقليوه في الزيت على نار مهيلة ثم يقدم كطبق مرافق


__________________



التعديل الأخير تم بواسطة tajigte ; 04-29-2010 الساعة 01:07 PM
tajigte غير متواجد حالياً   رد مع اقتباس

قديم 05-03-2010, 08:05 PM   #10


فريق إدارة المنتدى

 الصورة الرمزية tajigte

 
تاريخ التسجيل: Apr 2009
المشاركات: 8,937
افتراضي

طبق اليوم هو طجين كويرات كبايلا
كيلو كبايلا منقية و مغسولة و مطحونة على شكل كفتة
راس ملعقة صغيرة سكين جبير
بزار + ملح + كمون + تحميرة
نصف كيلو مطيشة محكوكة
شوية قزبر مقطع
3 ضروس ثوم محكوكين
شوية زيت بلدية و زيت المائدة
نصف حامضة مصيرة مغسولة مزيان
الطريقة
نديرو مطيشة محكوكة في طجين و نزيدو عليها الثومة و القزبر و الملح و البزار و سكين جبير و الكمون و التحميرة و الزيت و نخليوها تتقلى شوية
نخلطو كفتة الحوت مع القزبر و الملح و الكمون و التحميرة ونديروها كويرات و نستفوهم فوق لاصوص ديال مطيشة و نزينو بالحامض مصير و نخليو الطجين يطيب على نار مهيلة ثم يقدم


رغايف معمرين بقشيوشات الدجاج و الشعرية الصينية على طيبة البسطيلة من السيدة هدى
مقادير العجين
نصف كيلو دقيق
25 غرام خميرة معجونة
ملح
ماء دافي لجمع العجين
نعجنو المقادير اللي عندنا و ندلكو العجين ثم نديرو كويرات صغار و ندهنوهم بالزيت
زيت + زبدة لطلق العجين
مقادير الحشوة
كناصي و كبيدات الدجاج مقطعين رقاق و يمكن نزيدو عليهم طريفات صدر دجاج طايب مفرتت
قزبر و معدنوس مقطعين
شوية بزار و ملح و سكين جبير و زعفران
2 بصلات مشلضين
زيت
كاس ماء
شعرية صينية مرطبة في ماء طايب خمس دقائق و مصفية
ملعقة قرفة + ملعقة سنيدة

الطريقة
نديرو التقاطع ديال الدجاج في مقلة مع الزيت و البصلة و الربيع و التوابل و نخليوهم يتشحرو مزيان ثم نزيدو عليهم كاس ديال الماء و نغطيوهم و نخليوهم يطيبو
منين يقربو يطيبو نزيدو عليهم القرفة و سنيدة و نخليوهم يكملو الطياب و يشربو ثم نزيدو عليهم الشعرية الصينية
نطلقو كويرات العجين بخليط الزبدة و الزيت و نديرو شوية من الحشوة الوسط و نسدو الرغيفات على شكل مربع بلا ما نكرصوهم ثم نستفوهم في طاوة مدهونة بالزيت و نخليوهم يخمرو ثم ندهنوهم بالبيض و ندخلوهم للفران يطيبو ثم نقدموهم
السيده هدى قالت باللي كيجيو غزالين ومذاقهم بحال البسطيلة



صبيعات مفندين فاللوز
المقادير
رابعة زبدة لينة
رابعة سنيدة
كاس زيت
1 خميرة الحلوى
1 فاني
4 بيضات صغار (او جوج كبار )
رابعة لوز مهرمش بالقشور ديالو
طحين حسب الخليط
الطريقة
نخدمو الزبدة مع سنيدة مزيان ثم نزيدو الزيت و نخلطو ثم نطربو اصفر البيض مع الفاني و الخمارة و نضيفوه للخليط و نبقاو نزيدو الطحين شوية بشوية حتى تجمع العجينة ما تكونش قاصحة
نديروها على شكل اصابع و نغطسوهم في بياض البيض اللي بقى لينا و نفندوهم فاللوز مهرمش و نبسطوهم بالفورشيت ثم ندخلوهم للفران يطيبو على نار مهيلة و نقدموهم


حلوى القرمود les tuilles
المقادير
بيضة (نعبروها ونديرو نفس الوزن ديالها من المقادير الاخرى )
نفس وزن البيضة طحين
نفس الوزن زبدة مذوبة
نفس الوزن سنيدة
الطريقة
نخدمو سنيدة و البيض بالفورشيت ثم نزيدو الزبدة و نخلطو ثم الطحين و نخلطو مزيان و نخليو الخليط يرتاح خمس دقائق
ناخدو لاطة نفرشوها بالورق الخاص و نبداو نهزو شوية من الخليط بالملعقة ونحطو على شكل دويورات و نبسطوهم شوية بظهر الملعقة ثم ندخلوهم لفرن متوسط الحرارة يطيبو غير تبدى الحاشية ديالهم تحمار نخرجوهم و نديروهم بسرعة قبل ما يبردو فوق المدلك باش ياخدو الشكل ديال القرمود او يمكن نديروهم في القوالب الخاصة اللي كتباع و يمكن نلويوهم على جعبة ديال الحرير باش نحصلو على شكل سيكار
خصنا ندخلو غير كمية صغيرة للفران باش نتحكمو فيها قبل ما تبرد حيت غدي تقصاح ومايمكنش لينا نشكلوها كيف بغينا في هذه الحالة خصنا نعاودو ندخلوهم للفران شوية باش يرطابو ثم نخرجوهم و نشكلوهم


عصير خيزو كيجي بحال مذاق الخوخ
كيلو خيزو منقي و مصلوق مع 2 لتر ماء
قرعة روح الخوخ
سنيدة حسب الخليط
5 لتر ماء
راس ملعقة حجر الليم ( سنيدة حامضة )
نطحنو خيزو مزيان مع الماء اللي صلقناه فيه و نديروه في سطل او اناء كبير و نزيدو عليه سنيدة و حجر الليم و خمسة لتر ماء و نحركو مزيان باش تذوب سنيدة و نشوفو الحلاوة ثم نضيف جوج معالق من روح الخوخ و نحركو مزيان ونذوقو العصير الا تذوقنا النسمة ديال الخوخ بلا ما نزيدو الروح والا كان باقي خاص نزيدو شوية و نذوقو حتى نحصلو على مذاق الخوخ ثم نديروه يبرد في الثلاجة
بالنسبة للي بغى العصير يجي خاتر ما يديرش خمسة لتر ديال الماء كلها يبقى يزيد الماء حتى يحصل على الختورة اللي بغى و يحبس
طبق اليوم هو سمك الصنور بطريقتين طجين و قطبان
المقادير

ديال الطجين و البروشيت
2حتى ل3 كيلو من سمك الصنور (الطراف ديال الكرش اللي ما فيهمش الشوك نقطعوهم مربعات لتحضير القطبان و جهة السنسول نقطعوها دوائر للطجين )
4 ضروس ثوم محكوكين
عصير نصف حامضة
ملعقة كبيرة كمون
شوية زيتون بلا عظم
ملعقة صغيرة كبار مرقد capres
ملعقة صغيرة سكين جبير
2 معالق كبار تحميرة
شوية البزار
ملعقة صغيرة مطيشة الحك
3 مطيشات مقطعين دوائر بقشورهم
ملعقة خرقوم
زعفران شعرة
ملح
6 اوراق سيدنا موسى
كاس زيت المائدة
كاس كبير ماء
6 عويدات قرنفل
بصلة محكوكة
2 خيزوات مقطعين دوائر
قزبر و معدنوس مقطعين
عويدات كرافس + عويدات معدنوس نفرشوهم للطجين
الطريقة
القطبان
في اناء نديرو البصلة محكوكة + ملعقة صغيرة بزار + ملعقة كبيرة قزبر و معدنوس + ملح + كمون +ملعقة كبيرة تحميرة + زعفران شعرة و نشرملو القطبان و نخليوهم مرقدين فالشرمولة في مكان بارد
الطجين
نفرشو عويدات الكرافص و المعدنوس و اوراق سيدنا موسى و القرنفل في الطجين و نستفو خيزو و نشرملو دوائر السمك مزيان بخليط الكمون و التحميرة و الخرقوم و الثومة و عصير الحامض و سكين جبير و ثلاثة ارباع كاس الزيت ثم نستفوهم في الطجين و نخلطو كاس ال
ماء مع مطيشة الحك و نصبوه فالجناب ديال الطجين ثم نديرو الفوق دوائر مطيشة و الزيتون و الكبار و نرشو بالقزبر و المعدنوس ويمكن نديرو حتى الحامض مصير ثم نديرو الطجين يطيب فوق المجمر ديال الفاخر نخليوه يشرب مزيان تقريبا نصف ساعة
منين يطيب الطجين نصفيو مكعبات السمك اللي رقدنا فشرمولة ثم نزيدو عليهم ربع كاس ديال الزيت اللي بقى لينا و نديروهم فالقطبان و نشويوهم على الفاخر و نقدموهم

فلون flan بالبيض
المقادير
5 بيضات
5 معالق كبار سنيدة
نصف لتر حليب
5 معالق كبار نيسلي
2 معالق كبار ماء + ملعقة كبيرة سكر للكراميل
الطريقة
نديرو الماء و السكر في المول و نديروهم فوق النار باش يولي عندنا كراميل و ندورو المول باش يتغطى كامل بالكراميل (يمكن نزيدو السكر و الماء على حسب حجم المول ) ثم ندخلوه للمجمد يبرد
نخلطو البيض و السكر و الحليب و نيسلي في الخلاط الكهربائي ثم نصب الخليط في المول فوق الكراميل و نديروه في حمام مريم و ندخلوه للفران يطيب ونجربو بسكين الا خرج ناشف راه طاب
اللي ما بغاش يطيبو فالفران كاينة طريقة ديال الكوكوت كنديرو شوية الماء في الكوكوت و نحطو
المول ونديرو قشور البيض في الماء باش ما يفيضش على المول ثم نسدو الكوكوت و نحسبو ربع ساعة بعد الصفارة و نخليوها تبرد ثم نحلوها و هاهو الفلن واجد كيجي ممتاز طبعا نديروه يبرد في الثلاجة و نقدموه بالصحة و الراحة


لأخت مريم من طنجة
كلاص
1حليب مركز غير محلى 2دانون فاني وبمقدار كأس دانن نعبر 2كيسان سكر ولإضافة نكهات حسب رغبة ما قهوة أو حامض أو شكلاط
وضع حليب مركز غير محلى في فريكو لمدة 5ساعات وعندما تخرج تترك شوية ثم تخدم بطراب الكهربائي ثم نيف دانون وسكر مع تطراب دائما إلى أن تتكاثف لكمية ويقس إلى أجزاء وكل جزء يضاف له نكهة قهوة و حامض و شكلاط
حسب لأخت مريم هاداهو لكيديروه فلمقاهي وكيعطي كمية كبير

كنور خروف
نأخد لحم بلعظم نضعه في يطنجرة مع ملح إبزار ثوم خرقوم إسكين جبير تحميرة وماء حتى يطيب لحم ويصفى نأخد كاسرونة نضع فيها زبدة ودقيق بهال لى غادي نصاوبو بيشاميل نضيف له المرق لمصفى و ونرج نتبله بملح إبزار ثوم خرقوم إسكين جبير تحميرة ونتركه على نار خفيفة حتى يعقاد ونزولوه ن فوق نار يترك يدفئ شوية ثم يوضع في مكعبات ثلاجة
مقبلات بديك رومي
نأخد شرائح ديك رومي مربعات يدهن بملح وإبزار ونضع فوقهم شرائح لحم مذخن ثم شرائح فرماج مربع ويبرم على شكل سيكار يشد بكوردون نتاع سنان يوضع في طاوى مدهونة بزيت ونصب فوقهم لصوص بشاميل ونرش فرماج محكوك يدخلو إلى لفرن وممكن نفندوهم في لشابلور ويقلى



الخضر مشوية ربيعة بالرباط

بطاطس
الكرعة الخضراء
الدنجال
بصلة دوائر
مطيشة دوائر
2ضروس التوم
الكل مقطع شرائح رقيقة تدهن بالزيت البلدية وتدخل للفرن
فى الخلاط نديرو البصلة و مطيشة والتوم والملح والزيت البلدية وقليل الابزار يخلط الكل ويقدم فى
الزليفات
بالنسبة للمقادير حسب الاختيار
الوصفة التانية
الدنجال مقسوم على3 شرائح الى كان كبير او على2 الى كان صغير وندهنوه بالزيت البلدية ويدخل
للفرن

2بيضات
ملح الابزار
شوية الكفتة تقريبا 50 غ
نخلط كلشى مزيان وناخد الدنجال ونحفروه من الوسط غير شوية ونعمروه بشوية من الخليط والفرماج محكوك وتدخل للفرن













__________________


tajigte غير متواجد حالياً   رد مع اقتباس
إضافة رد



الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 01:33 PM.
 sitemap
سياسة الخصوصيه Privacy Policy
 
Powered by vBulletin


Copyright ©2000 - 2009, Jelsoft Enterprises
RehabMaroC.Com