ركن خاص بوصفات med radio الجزء 1 الوصفات المطبخية

هذا ملف خاص وكامل بجميع الوصفات الطبيعية التي تقدم في radio med
بامكان الاخوات يحطو الوصفات اللي سمعوها وجربوها في راديو ميد
وشكرا لكل من وضع( ت ) بصمته (ها)هنا

الحرشة
المقادير :
1/2كع سميدة رقيقة
1/2لتر حليب
كاس مخلط زبدة و زيت
خميرة حمرة
شوية الملح
الطريقة
السميدة + الزبدة + الزيت+ الخميرة + الملح خلطيهم مزيان ثم أضيفي الحليب
خدي مقلات المسمن صبي فيها الخليط ثم أدخليها إلى الفرن
بالصحة و الراحة

المايونيز في البيت
3 فروماجات لفاش كيري
1/2 كاس حليب
نديرو الكل في الخلاط الكهربائي ونزيدو شوية ديال الزيت القدر الكافي حتى تعقاد و شوية ديال لبزار


كيكة
نطربوا 4 بيضات مع كاس و نص سنيدة حتى يوليو فحال لكريمة نزيد عليهم كاس ونص الزيت و كاس شكلاط غبرة
و كاس حليب و 2 كيسان فورص و 1 فاني و 2 خمارات
ندهنوا المول بالزبدة ونرشوه بالفورص نخوي الخليط و نطيبوه في الفرن ملي تطيب نخليوها تبرد و نسقيوها بالسيرو اللي فيه الماء و السكر و قشور الحامض و نقسموها بالخيط من الوسط على 2 و نطليوا الوسط بالكريم شانتيي و الوجه كذلك و نحكوا عليها الشكلاط



صابلي بالكراميل و اللوز
250 زبدة
150 سنيدة
1 لفاني
4 بيضات 850 فورص
الحشوة
حك نستلي محلى
500 اللوز مصلوق و محمر في الفران و مطحون
او الكاوكاو نفس الطريقة ديال اللوز
الطريقة
نخدموا الزبدة + سنيدة + لفاني و نخدموا حتى ترجع كريم + البيض 4 و +الفورص و نخلطوا تطلق لباط بالدلاك و ندوزا عليها بالدلاك المخطط ادا و جد او بلاش
نقطعوا هلالات تدهن ببيضة للفران بعد الخروج تلصق بحشوة اللوز او كاوكاو المخلط مع حك نستلي المكرمل اي اعملناه في كوكوط مع لتر و نصف الماء ساعة بعد تبرد نحلوا الحكو يعمل مع اللوز اصابع و يقدم بالصحة و الراحة

عاااااااااااااااااااافكم اللي عندها الكيكة ديال اللي دازت نهار الاحد اللي فات ماشي تكتبها ليا الله يجازيها بالخير ويحقق ليها ماتمنات يااااربي
راه كيشكرو فيها بزاااف قالو ليك زوين

اقتباس المشاركة الأصلية كتبت بواسطة om abir عاااااااااااااااااااافكم اللي عندها الكيكة ديال اللي دازت نهار الاحد اللي فات ماشي تكتبها ليا الله يجازيها بالخير ويحقق ليها ماتمنات يااااربي راه كيشكرو فيها بزاااف قالو ليك زوين

مساء الخير اختي شوفي واش هي هده
4 بيضات 4 خماير ملعقة نسكافي نص كاس الزيت كاس الحليب كاس سنيدة شوية ديال الشكلاط غبرة والطحين اللي غادي يجمع لينا الكيك
نخلطو المقادير كلها ونضيفو فالاخير الخماير والدقيق ونكبوها فمول مدهون وندخلوها للفران .
ومللي طيب نذوبو 2 دراهم شكلاط مع شوية كاكاو ونضيفو ليهم كاس دانون وندهنو بيهم الكيك ونزوقوه بكاوكاو مهرمش .

اشكرك اخت حبيبت امها

كيك بالتمر
4 زلايف دقيق 6 بيض كيلو تمر معجن 2 كيسان سنيدة 2 كيسان زيت 1 م قرفة 10 دراهم شكلاط ابيض و2 دراهم شكلاط اسود 3خميرات كنخلطو المقادير من غير الشكلاط ونسرحوه فاللاطة الطويلة ديال الفرن لي طولها 40 سنتيم تقريبا ولما تطيب نزينوها بالشكلاط الابيض والاسود على شكل ميل فوي

كيك بكوكاكولا
2 بيض كاس كوكاكولا 2 خميرات كاس شكلاط غبرة كاس زيت كاس سنيدة 2 كيسان دقيق كنديرو الخليط فمول وندخلوه الفرن يطيب من بعد نزينو الكيك بالشكلاط واللوز

فقاص بالكركاع
300غ دقيق 150غ زبدة فاني نصف خميرة ديال الحلوى 6 م ك زيت 150 سنيدة 6 م ك ماء زهر 300 كركاع نديرو منو عصيات ندخلوهم المجمد يقصاحو عاد نقطعوهم على شكل فقاص ندهنوهم باصفر بيضة ونطيبوهم فالفرن

محنشات بالخضر
نشحرو بصلة كبيرة فالزيت والزبدة نضيفو 2 جزرات محكوكات و 2 فلافل بالالوان ملح ابزار تحميرة نزولوه ونضيفو الشعرية الصينية حك الطون و4 م ك معدنوس
رابعة دقيق 1 م زبدة نصف م ص خميرة ديال الحلوى ملح نعجنو بالماء ونديرو منها كويرات صغار نورقوهم بالزيت نعمروهم بالحشوة ونشكلوهم محنشات ندهنوهم بالزيت ونطيبوهم فالفرن

كوكيز
رابعة زبدة 2 كيسان سنيدة 3 اصفر بيض كاس زيت كاس حليب 2 فاني 2 خميرات زلافة شكلاط مقطع الدقيق حسب الخليط تقريبا كيلو

البسبوسة
500 سميدة رقيقة 100 كوك مطحون 50 غ زبدة خميرة بلدية 1 خميرة حمراء نصف كاس الى كاس ماء زهر2 م ك نيدو كاس ونصف سنيدة نطيبوها فالمقلة التقيلة تم نسقيوها بالسيرو محضر بكاس ماء وكاس ونصف سنيدة و 2 م ك عصير حامض

عصير الافوكا
حبة افوكا لتر حليب ٢٥غ لوز ٢معالق زبيب ٨تمرات ملعقة سنيدة
نخلط الكل في المولينكس و يقدم فالحين

الزيتون مشرمل
نصف كيلو الزيتون اخضر بلا عضم نصف كيلو الزيتون اسود معلقة كبيرة مطيشة الحك 3معالق كبار المايونيز ملح ابزار كمون تحميرة الثوم المعدنوس حك الطون الكاشير محكوك زيت العود
نخلط الكلونعملوه في قريعات ديال الزجاج ونعملوه في الثلاجة لوقت لبغناه نلقاوه موجود

غريبة الكوك اقتصادية
6الكيسان الكوك
3البيضات
3الكيسان سنيدة
تعمل مثل الغريبة وتدخل الفرن

كتشوب
معلقة كبيرة مطيشة الحك ملح ابزارسنيدة حسب الذوق معلقة صغيرة زيت معلقة كبيرة نشا معلقة صغيرة خل
يعمل الكل فوق النار مع التحراك حتى تعقد تترك حتى تبرد وتدخل الثلاجة الى حين الاستعمال

غريبة بالشكلاط
رابعة الزبدة 4كيسان الزيت 4كيسان السكر كلاصي الدقيق حسب الخليط تكور تعمل مثل الغريبة وتدخل الفرن لما تطيب تغطس في الشكلاط وتقدم

بسكوي
4البيضات زلافة زبدة مدوبة وزيت زلافة سنيدة 1خميرة 2معالق كاكاو قبصة ملح
تخلط وتورق بالمدلك ونقطعوها الاشكال لي بغينا مربعات دوائر تدهن باصفرالبيض المخلط مع نسكافيه وتزين باللوز مهرمش او اللوز ايفيلي او كاوكاو وتدخل الفرن
بريوش بالليمون
زلافة عصير إلليمون ـ زلافة حليب دافئ ـ زلافة زبدة مدوبة ـ زلافة سنيدة ـ 3 بيضات ـ 3خمارات ـ 1فاني ـ شوية خميرة العجينة ـ شوية النافع والزنجلان ـ الدقيق
كتكون عجينة خفيفة نديروها كويرات نخليوها تخمر ندهنوها بالبيض و نيسكافي وندخلوها الفران تطيب

كريصات
كيلو لاروب دقيق
2 بيضات
نصف كبير زيت
1 خميرة حمراء
شوية خميرة العجين
الماء للعجن
يخلط الكل جيدا تعجن مزياااان
العجينة تكون مرخوفة كنديروها في كوكوت نسدوها بالصفارة ملي تخمر
تشكل كريصات وتوضع في الطاوة مذهونة تدهن بالبيض ومخليوها مرة ثانية تخمر
بعد التخمار تدهن مرة ثانية بالبيض وترش بالجنجلان وتدخل الى الفرن تقريبا ربع ساعة


شوربة بالقمرون
3 بطاطا جزرة اوراق الخص بورو كرعة خضراء نسلقوهم بلا زيت بلا ماء
القمرون والحوت ابيض الا عندنا نشرملوهم بالزبدة ملح ابزار لما تسلق الخضر وتبرد نطحنوها ونردوها على النار ونزيدوها الحوت والقمرون و1 م صلصة الصوجا زيت الزيتون ملح تغلى شوية ونزولوها


البهلة
كيلو ونصف دقيق
رابعة زبدة نباتية
3 خميرات
3 كيسان زيت
3 كيسان سنيدة
كاس جنجلان محمر
ملح
نخدمو الزبدة وسنيدة مزيان تم نزيدو الزيت الخميرة جنجلان الدقيق واخا تبان لينا قصاحت خاص الدقيق يدخل فيها كامل نديروها فكوكوت ونسدو عليها 2 سوايع تم ندلكوها مزيان فقصرية من بعد نشكلوها غريبات نستفوهم فلاطة على ورق ما نديروهاش فلاطة مدهونة ضروري على ورق تم ندخلوها الفرن


ديسير
حك قشدة نطربوها مع 2 م سكر كلاص تعقاد شوية ونقسموها عل2 واحد نزيدوه دانون كراميل والتاني دانون بالشكلاط تم نديرو منهم طبقات فكؤوس مع الشكلاط غبرة
الجبن البلدي بالزعتر والتوم
نصف لتر حليب
نصف لتر لبن
2 فصوص توم
ملح
زعتر محكوك
نحكو التومة فالحليب ونديروه يغلى نصفيوه ونكبوه على اللبن بعدما نكون خلطنا اللبن مع الملح والزعتر نخليوه حتى يطلع الجبن الفوق ونديروه فتوب حياتي يتصفى من الماء تم نحطوه فشبكة ونضغطو عليه حتى ينشف نحطوه فاناء ونزيدوه شوية زيت الزيتون

الكبسة
500 روز بسمتي
2 بصلات
كنور
ابزار
خرقوم عرق
جزرة
زيت
كاس حمص
كاس زبيب اسود
4 قرنفلات
4 حبات هيل
لحم غنمي
نديرو اللحم زيت ابزار خرقوم كنور يتقلا ونزيدو البصلة تقلا تم الماء يطيب اللحم نزيدو القرنفل الهيل الحمص يطيب الحمص نزيدو الزبيب والروز ونخليوه يطيب 10 دقايق
ناخدو الجزرة نقطعوها ونديروها مع 1 م زيت ملح ابزار فمقلة تحمر تم نزينو بيها الروز فطبق التقديم

حلوة الزلافة حاجة رشيدة اسفي
500غ زبدة 3ك سنيدة 2ك زيت 3 خمارات 3 بيضات 1 ضانون فاني باكية كاوبيل دقيق حسب الخليط
الطريفة
زبدة+سنيدة+زيت+بيض+ضانون+خمارات+دقيق
قسمي العجينة على2
النصف نخلوه ابيض والنصف الثاني نضيف لو كاوبيل
نعملو كويرات صغار من كل عجينة نفندوها في سنيدة نطبعوها بقاع زلافة الزجاج على شكل وردة او اي طابع مللي تطيب لسقي واحدة بيضاء مع واحدة سوداء

كيكة بالسميد
250 غرام سميدة رقيقة
250غ خيزو محكوك
كاس سنيدة صغير
كاس زيت صغير
1فاني / 1خميرة حمراء
1 بيضة
نخلط الكل ناخد مقلة ثقيلة مدهونة بالزبدةنديرو الخليط ندخلو لفرن



يتبع باذن الله

حلوة مدبلجة
نصف كيلو زبدة
كاس زنجلان محمر مطحون
2 معالق سكر كلاصي / 3 م ك زيت/ كاس ماء زهر / شوية قرفة
نخلطو الكل نجمع بالطحين نطلقها بالمدلك نقطعها بكاس في الوسط بغلاقة العكر نظيفة ندخلها للفرن حتى تطيب تخرج ناخد
بكية شكلاط ابيض
شوية فيغميسيل
نغمسها في لشكلاط ثم نرشها بالفيغميسيل

دجاج بالاعشاب
معلقة سانوج
معلقة قزبر يابس
معلقة زعتر
معلقة ابزار ابيض
3 كنور
3معالق زيت كنرقدو الدجاج ساعة عاد انديروه ايطيب في الفران

لخليع
نصف كيلو لحم هبرة مقطع قطع صغيرة
كاس زيت لعود
م ك قزبر كارم مطحون م ك كامون/ 5 ثومة مقطعين / شحمة الكلوة مطحونة / نص كاس خل / شوية ملح
نرقد الكل يومين في الثلاجة نهارالثالي نطيبوه حتى يتفتت اللحم مجرب

البلوطة
رابعة زبدة / كاس زيت / 2 كيسان سنيدة / 2بيضات / 2 خمرات/ 2 فاني / الدقيق حسب الخليط
نجمعو الكل ندير صبيعات على شكل بلوطة يكونو صغار
ناخد لوز مفسخ ومقلي نوضع فوق البلوطة ندخلها لفران تطيب ندوب شكلاط اسود نغمسها ثم ندير خويط بشكلاط بيض

كنافة ورقة البسطيلة
نصف كيلو لوز مفسخ مطحون مع سنيدة قرفة زبدة كوزة محكوكة
نخلطو الكل يكون ناشف نقليو ورقة البسطيلة ثم نوضعو لورقة في طبسيل ثم العسل ثم اللوز ثم نعاودوها مرة اخري

البقولة
اوراق الباربا اواوراق الجزرنزولو لهم العصيات القاصحين ونقطعوهم تم نفوروهم
ونزيدو قبطة القزبر قبطة معدنوس كرافص نزولوهم ونديرو فطنجرة زيت الزيتون توم مطيشة ربع كاس ماء
يتشحرو ونضيفو الاوراق نشحروهم شوية ونقدمو الطبق مزين بزيتون احمر والحامض

فقاص حار
500 فورص
2 كنورديال الحوت
2 بصلات محكوكات رقيق
2 فرماجات كيري
100 فرماج احمر 1 م ص موطارد
100 زبدة
1 خميرة حمرة
50 غ خميرة بلدية
نخلطو كلشي ونديرو حريبلات وندخلوهم الفرن يتصهدو تم نقطعوهم بالمقص على شكل فقاص تم نردوهم الفرن

خبيزات معمرين
500 دقيق
م.ك.خميرة
نصف معلقة خميرة الحلوى
م.ك زبدة
ملح
م.ك سنيدة
2 م.ك خل
تجمع بالماء الدافئ وتترك ترتاح
نشحرو صدر الدجاج مقطع في الزيت ونزيدو بصلة مقطعة والجزر محكوك
ومكور والملح والابزار وسكنجبير والسودانية
ملي تطيب نعمرو الخبيزات ونخيوهم ايخمرو عادا نطيبوهم
قالت الاخت كيجيو بحال البريوش

شوربة
250غ لحم او دجاج/ بصلة / مطيشة محكوكة / نصف كاس زيت/ شوية سمن/ شوية كرافص
قزبر معدنوس/ ملح/ بزار/ خرقوم تحميرة/ ضامة بنة / 2حفنات شعرية
نشحر الكل نضيف لما نخليه يطيب ثم ندورها بشعرية

دجاجة بالزبدة
شوية الزبدة
شوية زعتر مدقوق
ملح ابزار
ندهنو الدجاجة مزيان من الداخل والخارج وتطهى في الفرن

سيكار بالكاوكاو
كيلو كاوكاو محمر ومنقي ومطحون
600 غ سنيدة
ربع كاس ماء زهر
نصف معلقة مسكة حرة
كاس صغير الزبدة
600 غ ورقة البسطيلة
150 غ زبدة لدهن
يطحن الكاوكاو امعا سنيدة ونضيف ماء الزهر وزبدة ومسكة وتعمل صبيعات
نعمر الورقة وتدهن بالزبدة وماللي تطيب انقطعوه وندردو عليه سكر كلاصي

كيك
نديرو كاس سنيدة يطيب ويولي كراميل ونصبوه فمول طويل
نحضرو الفلان بنصف لتر حليب و2 م ك سنيدة وساشي فلان ونصبوه على الكراميل فالمول وندخلوه التلاجة
نخلطو 3 بيض نصف كاس سنيدة نصف كاس زيت كاس دقيق فاني 2 خميرات
نخرجو المول من التلاجة ونزيدوه هاد الخليط تم نديروه فحمام مريم وندخلوه يطيب فالفرن من بعد نقلبوه فصحن التقديم
فلان بالحامض
8 بيض
1 لتر حليب
300 غ سنيدة
75 غ دقيق
2 فاني
قشرة 2 حامضات
نخلطو كلشي بالباطور ونكبوه فمول يكون عالي ونديروه فحمام مريم تم الفرن

عصير
500 غ كرعة حمرة مسلوقة دانون بنكهة الفاني ساشي فاني لتر الا ربع عصير برتقال سكر نطحنو كلشي

ميني كيك
4 بيض
كاس صغير سنيدة
كاس صغير زيت
كاس حليب
3خميرات
حامضة محكوكة
2 كيسان دقيق
نخلطو المقادير ونديروهم فقوالب فردية لما يطيبو ندهنوهم بالناباج او المربى
ونزينو بالكوك او اللوز او كاوكاو

مايونيز بالحليب
حليب بارد من التلاجة 1 م ص ملح 1 م خل نصف م عصير حامض نصف كاس زيت
نديرو كلشي فالخلاط الكهربائي ونزيدو الزيت شوية بشوية

حلوة الكوك
125غ دقيق
70 غ سنيدة
70 زبدة
1 م ك زيت
بيضة
1 م ص خميرة ديال الحلوى
نخلطو المقادير نديرو منها كويرات
وندخلوهم الفرن تم نخلطو نصف علبة مربى المشماش و كاس صغير ماء نديروه يدفى ونغطسو فيه الحلوى ونمرمدوها فالكوك

حلوة الشميعة
عجينة اللوز مسكة حرة ماء زهر سنيدة نشكلوها صبيعات تم نغطسوها فشكلاط ابيض تم نغرسو فيها قرنفلة

شوربة الكفتة
بطاطا كبيرة 3 جزرات ربيع زبدة ملح ابزار لتر ماء
نديرو كلشي يطيب تم نطحنوه ونردوه على النار ونزيدو كويرات كفتة ونخليوها تطيب

النوكا
رابعة سنيدة
نصف كاس صغير ماء زهر
300 غ عسل
3 بياض بيض
رابعة لوز مسلوق مقشر محمر
نحضرو سيرو بسنيدة وماء زهر يولي لونو عسلي ونخليوه يبرد
فكاسرونة على النار نديرو العسل نزيدوه السيرو مع التحراك من بعد نطربو بياض بيض فحمام مريم يولي تلج
نضيفو الخليط الاول واللوز تم نبسطوه فلاطة على ورق وندخلوه التلاجة تم نقطعوها مربعات

دانون
لتر حليب
كاس دانون
فاني
3 الى 4 م ك سكر
كنديرو نصف لتر حليب يفيض تم نزيدوه سكر والفاني والنصف الاخر يكون بارد
نخلطوهم فالخلاط الكهربائي ونصبوه فاناء ونديروه فحمام مريم ونغطيوه ونخليوه 5 ساعات

كوكيز بالليمون
150غ دقيق
70غ زبدة
صفر 2 بيضات
125غ سنيدة
معلقة كبيرة عصير الليمون
معلقة كبيرة نشا
معلقة صغيرة خميرة الحلوى
الطريقة
نخلطو زبدة وسنيدة نخلطو بالطراب ونزيدو البيض وعصير وقشرة الليمون
ونخلطو مزيان عاد انخلطو الدقيق والنشا والخميرة والملح
ونجمعو العجينة وتدخل لتلاجة ساعتين ومن بعد انديروها اعلا شمل كويرات ونضغطو عليها بالفرشيط ونطيبوها

قريشلات حارين
250غ مارغرين مدوبة/ معدنوس ثومة / ابزار / ملح/ خميرة/ ك ص زيت/ تحميرة / زيتون مقطع صغير / شوية كشير مقطع
هريسة شوية ماء الدقيق حسب الخليط نحربلهم صغارندخلهم لفريكو حين يقساحو نقطعهم دوائر ندخلهم للفرن

فقاص
2 بيضات/ بياض بيضة /ك ص سنيدة / ك ص زيت/ 2 فاني/ 2 خمرات / 300غ طحين
للتزيين صفار بيضة / مخلط مع شكلاط غبرة نجمع الكل حرابل ندهنهم ببياض البيض مع كاكاو ندخلهم يطيبو ثم نقطعادي على شكل فقاس

عصير الافوكا
حبة افوكا لتر حليب 25 غ لوز
2 معالق زبيب8 تمرات ملعقة سنيدة
نخلط الكل في المولينكس و يقدم فالحين

دجاج بلاكريم فريش
اطراف ندهنه بالموطارد والزبدة وشوية الملح و الابزارو نطيبوه في شوية الماء
ملي يطيب الدجاج نحيدوه من الطنجرة و نزيدو شمبينيوا و لكريم فريش 4م.ك

عصير
البطاطا مسلوقة+لبن+سنيدة حسب الدوق+لافاني+سيرو الاحمر تطحن جميع المقادير و تقدم بالصحة كيجي بحال رايبي