العودة   منتديات رحاب المغرب/ منتديات مغربية > ::منتدى الأسرة:: > :: منتدى جمال المرأة :: > العناية بالشعر

العناية بالشعر كل مايتعلق بطرق العناية بالشعر والتسريحات العالمية

تفعيل العضوية طلب رقم تفعيل العضوية استرجاع كلمة المرور المفقودة

أي دعاية لموقع أو ايميل سيعرض صاحبه للتوقيف
إضافة على المسنجر للذين يواجهون صعوبة في التسجيل أو الدخول للمنتدى
msn : support@rehabmaroc.com

إضافة رد


قديم 10-28-2011, 04:38 PM   #1


 
تاريخ التسجيل: Oct 2011
المشاركات: 8
افتراضي ماسكات ترطيب و تغذية الشعر لمليكة مناصف أكتوبر 2011

ضد تساقط الشعر

ماء الحريقة


تغسل مزيان و تدق شوية باش تطلق الما ديالها و تطيب في الماء مدة 5 دقائق

ماء الزعتر

زعتر مغلى في شوية ديال الما مدة 5 دقائق نخليوه يبرد عاد يتصفى

Lotion pour cheuveux:

ماء الحريقة + الخل يتشقق به الشعر كل يوم

ماسك للشعر الدهني

الغاسول + عصير حامضة يدار مرة في الأسبوع

ماسك الشعر

ثلاثة حبات التومة مدقوقين
3 نقطات زيت الزعتر
أو معلقة كبيرة ماء الزعتر
معلقة كبيرة زيت اللوز

تخلط المقادير و يتشقق بها الشعر و نخليوه مدة 30د حتى ساعة
يتغسل الشعر و يتشلل بالماء و خل التفاح

ماسك الشعر

بصلة + 1/2 كاس الماء + عصير نصف حامضة
يتطحن البصلة مع الاء في خلاط و نزيدو الحامض و يتشقق به جدور الشعر و نخليوها مدة ساعة

Lotion

زعتر مطبوخ (طريقة ماء الزعتر) + عصير نصف حامضة
يتشلل به الشعر أو يتشقق به الشعر كل يوم بدو غسيل
قالت مليكة مع المداومة كل يوم تيرطب الشعر

Lotion

مغلى أزير (نفس طريقة ماء الزعتر(
عصير نصف حامضة

يتشلل به الشعر في الأخير
زيت تساقط الشعر و القشرة

ملعقة كبيرة زيت القطران
ملعقة كبيرة زيت القرنفل
2 معالق كبار زيت الخروع
2 معالق كبار زيت الزيتون
ملعقة كبيرة حرمل مدقوق مزيان

يتخلط الكل و يبقة يترقد مدة يومين في قرعة الزاج من بعد عاد يستعمل و يتدهن به الشعر مدة 30 دقيقة حتى 60 دقيقة عاد يتغسل

يستعمل مرة في الأسبوع

ماسك ترطيب و تغذية الشعر

الخليط 1
ملعقة كبيرة زيت اللوز
ملعقة كبيرة زيت أركان
ملعقة كبيرة زيت الزرع
نصف ملعقة كبيرة زيت السانوج
خمسة معالق كبار زيت الزيتون
ملعقة كبيرة زيت أملا

الخليط 2

جوج معالق كبار الزاز مطحون
جوج معالق كبار السدرة مطحونة
بصلة مشلضة تطيب في نصف كاس الماء مدة عشر دقاقئق و نصفيوها باش نستعملو غير الماء ديالها

ماء البصلة + الزاز + السدرة يتخلط و نخليوه يطلق

نمزجو الخليط الأول مع الثاني و نديرو على الشعر خصلة خصلة و الجذور و نغطيوه بالبلاستيك مدة 3 ساعات و يتغسل عادي و يتشلل بمنقوع الأزير أو مقوع السالمية باش يتبت مفعول الماسك

ماسك ترطيب و تطويل الشعر

1/2 لتر زيت رومية
1/2 رابعة أتاي خضر ميبس في الفرن سخون و مطحون
كاس الخزامة مطحونة

يتخلط الخليط و يدار في كسرونة إنوكس على نار مهيلة مدة عشرة دقائق و نخليوه يدفى و نخبيوه في قرعة الزاج مدة عشرة أيام و نصفيوه و ناخدو الخليط زو نديروه على الشعر بحال الحنة مدة أربع ساعات
و الزيت نستعملوها وحدها نحتافضو بها في قرعة الزاج و ندهنو بها الشعر
هاد الخليط ممكن نحتافضو به مدة طويلة

ماسك لترطيب و تغدية الشعر الجاف

قشرة 2 بنانات
كاس زيت الرومية
100غ الزبدة رومية
نديرو في كاسرونة إينوكس قشور البنان + الزيت يتطبخ فوق العافية حتى يطيب القشور و يبدا يكحال نخليوه يبرد و نعصرو مزيان قشرة البنان في الزيت و نصفيوه من الخيوط و نزيدو الزبدة و نديرو الخليط فوق العافية حى يدوب الزبدة
و نديرو الخليط على الشعر و نليووه على شكل باتشا و نخليوه مغطي بقبعة البلاستيك مدة 3 ساعات
و يتغسل بشمبوان

ماسك ترطيب الشعر

قشرة 3 بنانات
قرعة زيت الكوكو 60مل . إلى كان جامد يدار في حمام مريم
(نفس الكمية من زيت الزيتون (مقدار نصف كاس
كل المقادير تطحن مزيان في خلاط كهربائي حتى تولي كريمة و نديروه في كاسرونة إينوكس فوق العافية مهيلة تغلى مدة 10 دقائق و نخليوه يدفى و يدار على الشعر خصلة خصلة و نلويوه بحال الباتشا و نغطيوه بالبلاستيك و نخليوه مدة 3 ساعات عاد يتغسل

و يتشلل بمنقوع الأزير أو منقوع السالمية باش يتبت الترطيب
باش تكون النتيجة جيدة خاصنا نديرو هاد الماسكات في الأول كل ثلاثة أيام و من بعد مرة في الأسبوع من بعد مرة في الشهر

amina37 غير متواجد حالياً   رد مع اقتباس
إضافة رد



الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 12:56 PM.
 sitemap
سياسة الخصوصيه Privacy Policy
 
Powered by vBulletin


Copyright ©2000 - 2009, Jelsoft Enterprises
RehabMaroC.Com