تفعيل العضوية طلب رقم تفعيل العضوية استرجاع كلمة المرور المفقودة

أي دعاية لموقع أو ايميل سيعرض صاحبه للتوقيف
إضافة على المسنجر للذين يواجهون صعوبة في التسجيل أو الدخول للمنتدى
msn : support@rehabmaroc.com

إضافة رد


قديم 08-06-2012, 04:05 AM   #1


 
تاريخ التسجيل: Jan 2011
الدولة: المغرب
المشاركات: 361
افتراضي أمي لاتحب لي الخير ؟كيف ذلك؟

السلام عليكم


أمي لاتحب لي الخير ؟كيف ذلك؟




أمعقول أن أمي لا تحب لي الخير


كيف؟


وهي من حملتني 9 أشهر


وأرضعتني حولين كاملين


وربيتني وسهرت لمرضي


لكن مع كل هذا فهي في آخر المطاف


تلقي بي في حفرة عميقة


بشمالي نار ملتهبة


وأمامي ثعابين سامة


وخلفي مستنقعات قذرة


وعلى يميني ذئب جائع


أحق مافعلت بي أم...


أم أنا في سراب





الكل يسأل في غرابة


أحق ماتقولين ؟


وكيف ذالك ؟


أهذه أم أوعدو





لا انها أمي


وهي تحبني وأنا أحبها


وربتني أحسن تربية


وووووووووووو


لكن مازال السؤال يطرح نفسه


كيف استطاعة أن تفعل بي هذا ؟






بسيطة جدا جدا جدا


وأمك أنت أيضا فعلت معك نفس الأمر


وأمهات الكل يفعلن ذلك


وربما خالاتنا وجداتنا كذالك







زوجتني رغما عني


وحكموا لي بالعيش مع حماتي حتى الممات




مارأيكم ؟


أضن أن الموضوع لايحتاج لتفسير


فهو يشرح نفسه


لكن لابأس ان وضحت




للافادة أنا أمي توفيت قبل أن أتزوج


وهذه ليست قصتي بل هي مجموع عدة قصص


ركبتها أنا في واحدة


فاقرأو واستفيدو


(سال المجرب لتسال الطبيب)



آسفة لأني سأدخل في الموضوع بالدارجة




جاو شي ناس يهدرو فيا


بقيت مترد دة ومتخوفة


وقالت لي ماما مالكي


شوفي الولد زوين ((واش بقات فالزين))


ومخصهوم حتى خير((ماشي المال هو كل السعادة ))


وماماه باينة عليها مرا مزيانا ((مالنا عاشرناها))


وخوتو حتا هما


اوا كلسي حتى تبوري وميصوقهالك حد


أنا بقيت هي ساكتة وتانكول مع خاطري ((...))


جات الجدة والخالة وعاودو نفس الأصطوانة


رجعوا الناس باش يرصيو الخطبة


أنا بقيت بحال البكمة وهوما لي شرحو وملحو


وقالت ماما شوفي ألالة


رها حادكة تصبن وتعجن وتطيب وتخمل


والصداق داك الشي لي عطيتو حنا متنتشرطوش


أنا مبقيت فاهمة والو


واش غادي نتزوج ولا نمشي خدامة


.


.


.


.


.


داز كلشي على مايرام


ودازت 7 أيام ديال الباكور


5 ديال الصباح


سمعت الدقان فباب البيت


لقيت حماتي


قالت


تبااااااااااااارك الله مزالة ناعسة


وحنا باش غادي نفطروا


اوا بغينا نشوفو الحداكة لي كالت ماماك


ولا بغيتيني أنا نوجدولك


اوا طلقي راسك راهوم خدامين


أنا معرفتش راسي واش فالحلم ولا الحقيقة


رجعت لبلاصتي


مكملاش 5 دقايق


حتى كان الباب غادي يتهرس


وكالي راجلي اوانوضي شوفي ماما شنو بغات وهنونا


حليت الباب –بدون تعليق-


مشيت صيبت الملاوي وجدت الفطور


ولالانة راهة تتسبح


ناض الشيخ ولوايسي وراجلي


فطرو ومشاوا


جيت أنا تنفطر


وهي توقف عليا


اوا سربي راسك ونوضي قلبي هاد السدادر وحكي الماعن


وراه لوسك سعيد تيجي مع 11 وخاصو يلقى الغدا واجد


وهانة غادة عند فاطيمة


وهاد الأحداث كل نهار تتكرر


والاهانت والمعيور


وديمة مخشية وسط الكوزينة


وتنكابل الضياف


ومحيت تايجي راجلي


تيلقاني عيانة


ومتنقدرش نعطيه حقو


وتينوض الصداع بينا


وماخفي كان أعظم


تصدمت وبقيت عاطياها لبكا


هزيت الهاتف وعيطت لماما


ياك لباس أبنتي مالك


حكيت كلشي


اوا صبري أبنتي كولنا دوزناها


((اوا الى نتي تعدبتي باغة حتى بنتك تجرب))


دابة يفرج الله


دابة يموتو ويبقالك كلشي ((شكون ضامن عمرو))


ولوايسك دابة يتزوجو


هاد الشي راه عادي


دابة ديري وليداتك وتولفي


عنداكي تكولي شي حاجة


كلسي وسكتي ودري داك الشي لي كالتلك


راه معندك فين ترجعي


حنا معندناش البنات الي تيغضبو


حطيت السماعة بعين دامية


حماتي عندها 50 سنة وشيخي 56


كبرو ولادي وتزوجو


وأنا مزالة مع العكوزة وتحت الأوامر ديالها

واحد لوسي بقا بلا زواج

وماتت حماتي على 85 وشيخي 78


اوا دابة عرفتو علاش أمهاتنا متيبغيوش لينا الخير


وعرفتو الحفرة لي طيحونة فيها


عمق الحفرة هو 35سنة ديال العذاب


النار الماتهبة على شمالي هي حماتي وشيخي ولوايسي


الذئب الجائع على يميني هو زوجي


فبالرغم من أنه هو يميني لكنه فقط يريد غريزته


والمستنقعات هي أهلي فان أردت الرجوع سأقع


وتبتل ثيابي وأتعفن


أما الثعابين هم كلام الناس الذي لايرحم


========================
========================
منكم من سيعارض ويقول
اوا راه حوتة وحدة تتخنز شواري
وأنا غادي نكول
راه عندي سلسلة من هاد المواضيع
تابعوني وغادي تعرفو بأن الشواري
أصلا كان كلو خانز



اليتيمة غير متواجد حالياً   رد مع اقتباس

قديم 08-06-2012, 01:26 PM   #2


 الصورة الرمزية marchica

 
تاريخ التسجيل: Jan 2009
الدولة: Mar Chica
المشاركات: 2,819
افتراضي

.
.


اقتباس
اوا دابة عرفتو علاش أمهاتنا متيبغيوش لينا الخير



لا أتفق ...
لا يمكن لـ الأم أن لا تحب الخير لـ ابنتها مهما كانت !

الأم لو كان بـ يدها لـ زوجت ابنتها لـ أفضل عائلة و أحسن رجل
لكن حاولت ذلك ولم تستطع ... فـ هي بـ النهاية لا تعلم الغيب !


الأم تحاول دائماً أن تزوج ابنتها بـ يدها ... لـ انها تظن أنها تعرف أكثر
من ابنتها ، ولديها خبرة في الحياة وسـ تعرف كيف سـ تختار لـ ابنتها
أفضل منها ... وما الى ذلك !

لكن احياناً يكون العكس ... و تجري الأمور بما لا يشتهيها أي طرف !


.
.

__________________

.
|| سبحان الله وبـ حمده ... سبحان الله العظيــم ||

.
marchica غير متواجد حالياً   رد مع اقتباس

قديم 08-06-2012, 01:56 PM   #3


المشرفة العــــامة

 الصورة الرمزية شمس الضحى

 
تاريخ التسجيل: Feb 2010
الدولة: الدارالبيضاء
المشاركات: 10,358
افتراضي

كل ام تتمنى لإبنتها الخير وتتمنى لها حياة افضل
ويبقى الزواج نصيب وقدر

__________________
مخالف

شمس الضحى غير متواجد حالياً   رد مع اقتباس

قديم 08-06-2012, 03:48 PM   #4


 
تاريخ التسجيل: Jan 2011
الدولة: المغرب
المشاركات: 361
افتراضي

اقتباس
مشاهدة المشاركة المشاركة الأصلية كتبت بواسطة marchica
.

.






لا أتفق ...
لا يمكن لـ الأم أن لا تحب الخير لـ ابنتها مهما كانت !

الأم لو كان بـ يدها لـ زوجت ابنتها لـ أفضل عائلة و أحسن رجل
لكن حاولت ذلك ولم تستطع ... فـ هي بـ النهاية لا تعلم الغيب !


الأم تحاول دائماً أن تزوج ابنتها بـ يدها ... لـ انها تظن أنها تعرف أكثر
من ابنتها ، ولديها خبرة في الحياة وسـ تعرف كيف سـ تختار لـ ابنتها
أفضل منها ... وما الى ذلك !

لكن احياناً يكون العكس ... و تجري الأمور بما لا يشتهيها أي طرف !


.
.

لو كان ماتقولينه صح
لزوجتتي لاشترطت على زوجي أن أقيم لوحدي
اذا كانت هي قد جربت الاقامة مع الحمات
وان كانت لا تعلم الغيب أقيم وحدي لتجنب المحضور
على العموم الي مجربة هي لي غادي تحكم
اليتيمة غير متواجد حالياً   رد مع اقتباس

قديم 08-06-2012, 03:55 PM   #5


 
تاريخ التسجيل: Jan 2011
الدولة: المغرب
المشاركات: 361
افتراضي

اقتباس
مشاهدة المشاركة المشاركة الأصلية كتبت بواسطة شمس الضحى
كل ام تتمنى لإبنتها الخير وتتمنى لها حياة افضل
ويبقى الزواج نصيب وقدر

الحاصول نتوما ممزوجينش ولا مسكنينش مع عاءلت الراجل
الى كلت ليكوم وحدة حملات مع شيخها
ومحيت شتكات الأمها من تحرش ديالو وطلبات تسكن بوحدها
قالت ليها مها سكتي حشومة
وبقات مخبعى الموضوع
اليتيمة غير متواجد حالياً   رد مع اقتباس

قديم 08-06-2012, 05:51 PM   #6


 
تاريخ التسجيل: Jun 2008
المشاركات: 54
افتراضي

قصتك بكاتني واقول لك برافو لصبرت هذا الوقت كله لانك بنت الناس ولكن الله سيجازيك على تحمل كل هذه المعاناة لك مني الف تحية وتقديييييييييييييييييييييير

jamina غير متواجد حالياً   رد مع اقتباس

قديم 08-06-2012, 09:27 PM   #7


 
تاريخ التسجيل: Jan 2011
الدولة: المغرب
المشاركات: 361
افتراضي

شكرا لك على التقدير

اليتيمة غير متواجد حالياً   رد مع اقتباس

قديم 08-06-2012, 10:37 PM   #8


 الصورة الرمزية هبة الرحمن

 
تاريخ التسجيل: Jun 2009
الدولة: بلد الشهداء
المشاركات: 4,969
افتراضي

انا اتفق معكي بان هناك امهات يرمينا ببناتهن لتهلكة ولكن هدا لا يعني ان كل الامهات هن كدالك ..فالاغلبية يراعينا مصلحة بناتهن حتى لو كانت على حساب مصلحتهن ..ولهدا اختاه لانعمم
اما عن معاناة الزوجة مع اهل الزوج فهدا امر اخر وان تكلمنا فيه سيطول الحديث ..ساقول راي باختصار " مهما كانت المشاكل كبيرة ارى ان حلها عند الزوج وحده لاغير فهو من بيده مفتاح الحل وقطع كل النزاعات "
اتمنى لك و لكل امراة حياة سعيدة

__________________


هبة الرحمن غير متواجد حالياً   رد مع اقتباس

قديم 08-06-2012, 11:03 PM   #9


 
تاريخ التسجيل: Jan 2011
الدولة: المغرب
المشاركات: 361
افتراضي

اقتباس
مشاهدة المشاركة المشاركة الأصلية كتبت بواسطة هبة الرحمن
انا اتفق معكي بان هناك امهات يرمينا ببناتهن لتهلكة ولكن هدا لا يعني ان كل الامهات هن كدالك ..فالاغلبية يراعينا مصلحة بناتهن حتى لو كانت على حساب مصلحتهن ..ولهدا اختاه لانعمم

اما عن معاناة الزوجة مع اهل الزوج فهدا امر اخر وان تكلمنا فيه سيطول الحديث ..ساقول راي باختصار " مهما كانت المشاكل كبيرة ارى ان حلها عند الزوج وحده لاغير فهو من بيده مفتاح الحل وقطع كل النزاعات "
اتمنى لك و لكل امراة حياة سعيدة

وأنا كذالك لا أعمم لكن 99في المائة من الأمهات يفعلن ذلك
اليتيمة غير متواجد حالياً   رد مع اقتباس

قديم 08-07-2012, 12:03 AM   #10


المشرفة العــــامة

 الصورة الرمزية شمس الضحى

 
تاريخ التسجيل: Feb 2010
الدولة: الدارالبيضاء
المشاركات: 10,358
افتراضي

اقتباس
مشاهدة المشاركة المشاركة الأصلية كتبت بواسطة اليتيمة
الحاصول نتوما ممزوجينش ولا مسكنينش مع عاءلت الراجل
الى كلت ليكوم وحدة حملات مع شيخها
ومحيت شتكات الأمها من تحرش ديالو وطلبات تسكن بوحدها
قالت ليها مها سكتي حشومة
وبقات مخبعى الموضوع

قلت الزواج قدر ونصيب
والام سبب فقط
ولا يمكن الاعتراض لنصيبنا

__________________
مخالف

شمس الضحى غير متواجد حالياً   رد مع اقتباس
إضافة رد



الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 02:17 PM.
 sitemap
سياسة الخصوصيه Privacy Policy
 
Powered by vBulletin


Copyright ©2000 - 2009, Jelsoft Enterprises
RehabMaroC.Com