تفعيل العضوية طلب رقم تفعيل العضوية استرجاع كلمة المرور المفقودة

أي دعاية لموقع أو ايميل سيعرض صاحبه للتوقيف
إضافة على المسنجر للذين يواجهون صعوبة في التسجيل أو الدخول للمنتدى
msn : support@rehabmaroc.com

إضافة رد


قديم 04-01-2013, 11:20 AM   #1


 الصورة الرمزية fadwa-bell

 
تاريخ التسجيل: Apr 2013
المشاركات: 4
BeRightBack .:. ۩ مشرف جروب مرتبط بموعد مع عروس و أهلها ۩ .:.

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]




مرحبا حبايبي ، بمناسبة أول دخول لي للمنتدى
حبيت إني أشارك بقصة مسلية ، راقت لي و أنا تصفح صفحة في facebook
-----------------------



مشرف جروب مرتبط مع العروس وأهلها ليتقدم إليها ، ولكنه لم يشأ ترك الجروب لمدة ساعة هى مدة اللقاءمع الأهل ، فأخذ اللابتوب معه وشحنه على آخره وتابع الردود علىالأعضاء.
وهو فى طريقة للمنزل راكبا التاكسىبمجرد وصوله إلى العروس سأل عن أقرب فيشة كهرباءلأن الشحن شارفعلى الإنتهاء

والد العروس: أهلا يابنى .......إزيك !!

المشرف : (وهو مشغول بلوحة مفاتيح اللابتوب) : أهلا بيك يا عمى .....
أنا يشرفنى إنى أطلب إيد بنتك .....موافق ولا لأ ؟!!!!

تبادل كلا من والد العروس ووالدتها وأخيها نظرات الدهشة

والد العروس : (مستغربا) : حضرتك بتكلمنى ولا بتكلم حد على الإنترنت ؟؟

المشرف : (مازال منشغلا بلوحة المفاتيح) : لا يا عمى أنا بكلمك إنت هو معقولةأتكلم مع حد غيرك وأنا قدامحضرتك!!!

والدة العروس : طب يابنى طالما بتكلمنا بُص لينا طيب

المشرف : (لم يرفع عينه ويديه من على جهازه) : ليه يا حجة هو أنا هتكلم بعينى ؟!!!!

إقترب الولد الصغير (8 سنوات) من العريس مبهورا بالابتوب(الجهاز المحمول) وهو يقول :
الصبى : عمو ..... هو الجهاز ده فيه ألعاب كثير زى الأتارى الى عندى ؟!!

العريس : (مازال منشغلا بجهازه) : أيوة يا حبيبى وأحلى من الى عندك كمان..

الصبى : طيب ممكن ألعب شوية .....عشان خاطرى يا عمو؟

هنا فقط .. رفع العريس عينه من على جهازه لأول مرة وتوقف عن الكتابة !!وهو يوشوش فى أذن الصبى..
العريس : لو خليت أبوك يوافق عليا هلعبك كثير أوي..

طار الصبى فرحا وهو يقول :
الصبي : بابا بابا أنا موافق إن عمو يتجوز أختى الكبيرة !!!!!!
ثم إلتفت إلى العريس وهو يقول :
ألف مبروك يا عمو!

الوالد :
(صارخا) : أمشى ياد خش ذاكر ..... مبقاش إلا إنت يا أبو ريالة الى هتوافق ومتوافقشى

مشى الولد باكيا ولم يهتم به العريس وقد عاد إلى جهازه منشغلا
الوالد : إنت يا حبيبى إنت كمان .....إنت إيه حكايتك ؟

العريس : حكاية إيه يا عمى .....أنا معنديش حكايات إنت عندك ؟!!!

الوالد : (بضجر) : إنت جاى تهزر ؟؟

لم يعره العريس أى إهتمام وقد ظهر مشغولا بموضوع ما على جهازه
فإقتربت الأم من الوالد وتكلمت هامسه ...

الأم : إلا قولى يا حاج .....هو الجدع دة بيعمل إيه على البتاع الى معاه دة ؟؟....وإزاى بيكلمنا وهو بيحرك إديه الإثنين على الزراير دى كلها ؟

الوالد : والله معرفشى يا تفيدة ..... يظهر والله أعلم إنه بيكتب الكلام الىبيقوله لنا فيطلع من بقه !!!!!!!

الأم : يا ندامتى !!!.....معقولة دى يا حاج
؟!!

الأب : طبعا يا تفيدة معقولة ، ماهو إحنا فى عصر التكنولوبببببيا !!! >>>(هههه)
إنتى مش شفتى إزاى كان ملهوف على أى فيشة كهربا أول ما جيه لأنالشحن بتاع الكلام بتاعه كان هيخلص!

الأم : يا خويا الى يعيش ياما يشوف !!!
على كدة يا حاج لو النور قطع هيبقى أخرس ؟!!!!
طب يا خويا لازم لو وافقت عليه نشترى للبت كرتونة حجارة قلم ، عشان تبقى عاملة حسابها فى أى وقت !!!

الأب : (صارخا) : هو أنا معقولة أوافق على الآلة دى ..... ليه من قلة الرجالة يعنى !

العريس : حضرتك بتكلمنى يا عمى ؟

الأب : لأ يا حبيبى أنا بكلم تفيدة

العريس : تفيدة مين ؟
...
...

دخلت العروسة فى هذه اللحظة مكسوفة وهى تنظر إلى الأرضوبيدها أكواب العصير ولكنها لم تلاحظ فيشة الكهرباء فإنقلبتعلى وجهها أرضا
وإنفصلت الفيشة ...

العريس : (صارخا) : إيه الى هببتيه دة .....إنتى إزاى تفصلى الجهاز !!

الأم : (بصوت خافت) : يا حلاوة .....أهو بيتكلم من غير كهربا أهو يا حاج ...

الأب : (بصوت خافت) : ماهو كان شحن على الآخر يا تفيدة .....افهمى بقى ...

ثم إلتفت إلى العريس قائلا :

الوالد : إيه يابنى قلة الذوق دي إنت بتصرخ فى عروستك وإنت جاى تتقدملها ؟!!

دة بدل ما تساعدها إنها تقوم وتودها بكلمتين بعد ما فيشتك الهباب دى وقعتها ..

العريس : يعنى أساعدها تقوم ولا ألحق أشغل الجهاز عشان الجروب ما يتعطلشي ؟!!

الأب : دة جيل إيه دة.....هو جاى لينا منين دة !

العروسة : من النت يا بابا.....من النت ..

الأم : الله يقطع النت والى شغالين فى النت !
يا رب تيجى عاصفة تسومانى على النت والى فيه !!!!!

الأب : ممكن بقى يابنى تقفل المخروب دة وتكلمنا شوية

العريس: خلاص يا عمى المساعد بتاعى جه بدالى دلوقتى..

إلتفت الجميع حولهم يبحثون عن ذلك المساعد

العريس : (ضاحكا) : لأ يا جماعة أنا اقصد إن المساعد بتاعى أخذ مكانىفى الشغل دلوقتى يعنى أنا دلوقتى جاهز لأي إستفسار لمدة ربع ساعة ..

الأب : لا حول ولا قوة إلا بالله .....طيب يابنى طالما مش فاضى ليه حددت المعاد دة ؟؟ مش كنت تحدد معاد تكون فاضى فيه ..

العريس : يا عمى خير البر عاجله ..

الأب : طيب..... إحنا لسة متعرفناش بإسمك ولا شغلتك
ولا سنك ولا شهادتك ولا أى حاجة خالص!

العريس : أنا اسمى أدمن ... دة الإسم المستعار!

قامت الأم تحوم حول العريس وتنظر إلى يديه تبحث عن شىء ما ثم مسكتيده فجأة وهى تقول :

الأم : ممكن تشمر إيدك يا عريس الهنا‍ ؟؟

العريس :
(وهو يشمر) : ليه ياحاجة إنتى هطعمينى !!! أنا إطعمت قبل ما آجى عندكوا.

الأب : ليه قالولك إننا عندنا كوليرا !!!

العريس : لأ يا عمى أصل أنا قاعد ليل نهار فى غرفتي المكيفةالصحية فلما بروح أى داهية تانية لازم أطعّم .

الأب : (بصوت منخفض) : داهية لما تخدك يا شيخ!!!

صرخت الأم : ( وهى تمسك بيده اليمين وترفعها عاليا): يعنى مافيش صليب ...
امال إيه
أدمن دة؟ إنت يهودي؟‍‍‍‍‍‍‍‍‍!!!!

ضحكت العروسة وهى تقول : لا يا ماما دة النيك نيم بتاعه

الأم : الـ... إيه يا ضنايا ؟‍‍!

العريس : خلاص يا جماعة .....أنا إسمى سعيد وعندى 25 سنة يعنى تأبيدة‍‍‍!!!
معايا شهادات كثيرة لو قلتها لكم كلها يبقى هنقعد يومين فبلاش أحسن ، وشغلتى مشرف عام على جروب الفقر حشمة

نظر الأب إلى المشرف وملابسه البسيطة غير المتناسقة وهو يقول :
الأب : سيماهم على وجوههم‍‍‍‍ !!!

العروسة : (مبتسمة) : بجد إنت المشرف بتاع الفقر حشمة ؟ .....ده أنا مشتركة فيه من 5 شهور

العريس : ما شاء الله....بس إنتى مش ملتزمة بقوانين الجروب ، ولابسة كويس وعايشة فى عيشة آخر أبهة

العروسة : أنا عملت كدة عشان عارفة إن فيه عريس جاى يخطبنى.

الأب : إنت يابنى عاوزها تلبس إيه .....هدوم مقطعة ؟؟

العريس : لا يا عمى ، خلاص مش مهم ، لما اتجوزها هلبسها هدوم مبهدلة بنفسي ..

الأب : ومين قالك إنى وافقت عليك أصلا ؟؟

العروسة : ومتوافقشى ليه يا بابا ؟؟ دة حتى ال
أدمن أكيد هيخلينى مميزة فى الجروب ، مش كدة برضه يا أدمن ؟؟

العريس : طبعا وهعينك معانا من المشرفين.

العروسة : (بسعادة) : بجد..... هتعينى مشرفة ؟؟

العريس : طبعا وهديكى أسهل وأحسن المواضيع تكتبي فيها .

العروسة : (فرحانة) : هييييه .....هتدينى مواضيع إيه ؟

العريس : الشكاوى!!!

العروسة : (صارخة): لا أرجوك .....كله إلا الشكاوي.

هز العريس كتفيه وهو يقول :
العريس : خلاص نفتح موضوع عن للوفيات و أخليكي تكتبي فيه.

الأب : يا ترى خلصتوا ولا لسة ؟؟

نظر العريس فى ساعته وهو يقول :
العريس : أنا فعلا وقتى قرب ينتهي .. لأن المساعد بتاعي عنده ميعاد مهم ولازم أدخل مكانه.

الأب : أنا مش موافق على الجوازة دى...

العروسة : ليه يا بابا دة انا.....

قاطعها الأب صارخا : اخرسى يا بت إنتي وروحي ذاكري لأخوكي.

خرجت العروسة باكية غاضبة بينما إلتفت الأب إلى العريس قائلا :
الأب : شوف يابنى ..... لالما تبقى تفضى للجواز إبقى تعالى إتجوز بنتى .....

لكن طول ما إنت فى الفقر حشمة دة مالكشي عرايس عندي
فاهمني !! ؟؟؟

العريس : خلاص يا عمى براحتك ..... بس إذا كان [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] الفقر حشمة هو الى مزعلك أنا ممكن أسيبه.

الأب : (فرحا) : بجد يا بنى .....طيب سيبه هو فعلا الي مزعلني ، لو سيبته أنا هسيبلك بنتى بدون أي كلام.

شكره العريس ثم جاء إليه فى اليوم التالي ومعه نفس اللابتوب وهو يقول :
العريس : أنا سيبت الفقر حشمة من إمبارح ، وعملت [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] تانى اسمه : اللاجئين...

سقط الأب على الأرض مغشياً عليه وصرخت الأم وبكت العروسة وأخيها الصغير...
بينما جلس العريس فى غرفة الصالون يتابع الجروب الجديد
....




-----------------------
تحياتي للكل
و أتمنى أن تعجبكم
أختكم
--- فدوى ---






fadwa-bell غير متواجد حالياً   رد مع اقتباس

قديم 04-01-2013, 12:05 PM   #2


المشرفة العامة

 الصورة الرمزية ام غزلان

 
تاريخ التسجيل: May 2011
الدولة: العاصمة الاقتصادية
المشاركات: 4,020
افتراضي

ههههههه
قصة مسلية فعلا
مرحبا بك فدوى معنا في الرحاب

تسلمي كثييير على القصة الممتعة

__________________


تصميم جميل .. اهداء من الاخ
انا مغربي الى خديجة


ام غزلان غير متواجد حالياً   رد مع اقتباس

قديم 04-02-2013, 03:17 PM   #3


 الصورة الرمزية fadwa-bell

 
تاريخ التسجيل: Apr 2013
المشاركات: 4
افتراضي

شكراا لكي أخت " أم غزلان "
على الرد الطيب
حفظك الله و رعاك

fadwa-bell غير متواجد حالياً   رد مع اقتباس

قديم 05-29-2013, 04:43 PM   #4


 الصورة الرمزية شهرزاد المغرب

 
تاريخ التسجيل: Jan 2010
الدولة: قلمي
المشاركات: 423
افتراضي

ههههههههههههه

هذا هوا العريس ولا فلا

شكرا على القصة

ناقصنا القروب

__________________
((اللهم لك الحمد حتى ترضى ولك الحمد إذا رضيت ولك الحمد بعد الرضا))
((سبحان الله وبحمده رضا نفسه سبحان الله وبحمده زنه عرشه سبحان الله وبحمده عدد خلقه سبحان الله وبحمده مداد كلماته))
الله أكبر كبيرا والحمد لله كثيرا وسبحان الله بكره واصيلا

شهرزاد المغرب غير متواجد حالياً   رد مع اقتباس
إضافة رد



الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 05:41 AM.
 sitemap
سياسة الخصوصيه Privacy Policy
 
Powered by vBulletin


Copyright ©2000 - 2009, Jelsoft Enterprises
RehabMaroC.Com