تفعيل العضوية طلب رقم تفعيل العضوية استرجاع كلمة المرور المفقودة

أي دعاية لموقع أو ايميل سيعرض صاحبه للتوقيف
إضافة على المسنجر للذين يواجهون صعوبة في التسجيل أو الدخول للمنتدى
msn : support@rehabmaroc.com

إضافة رد


قديم 09-13-2008, 06:49 PM   #1


 الصورة الرمزية mazafir

 
تاريخ التسجيل: Sep 2008
المشاركات: 12
023 ما هو شعورك

السلام عليكم ورحمة الله وبركاته


أحد مطاعم الوجبات السريعة،لا أدري سبب ذهابي لهذا المكان بالتحديد.. لعلي في حاجة إلي بعض الراحة بعد المشي قرابة الثلاث ساعات بلا هدف ، أو ربما رغبة في التعرف علي وجوه أكثر سعادة من هذا الوجه التعس

طلبت الطعام دون التركيز حتي في اسمه، كان المكان مكتظا ًعن آخره لكن ولحسن الحظ وجدت مائدة
خالية، ما إن ارتحت حتي لفت نظري تلك الفتاة الجميلة الجالسة أمامي وهي تقعد وحيدة شاردة،لعلها تمر بنفس حالتي ؟!... سرحت فيها تماما ًوبدأت أضع كل التفسيرات الممكنة لحالتها تلك، ولم يقطع شرودي إلا (الجرسون) وقد أتي بالطعام



- (يضع الأكل) اتفضل حضرتك
- (غير مهتم به) شكرا ً
- ممكن أطلب من حضرتك طلب ... أنا عارف إنه سخيف شوية
- خير؟
- حضرتك شايف ضغط الشغل النهاردة وفي ناس مش لاقية مكان تقعد
- وأنا أعملك إيه ... المكان اللي ضيق
- بس حضرتك قاعد علي طرابيزة 6 أفراد
- عايز تقعد حد معايا يعني
- مش بالضبط كده .. بس
- حتقومني خالص شكلك
- لا العفو يافندم ... بس حضرتك حتقعد علي طرابيزة تانية أصغر شوية
- فين دي .. ماهو كله قاعد قدامك أهو
- ما هو حضرتك حتقعد مع حد
- كمان .. وليه نرخم علي الناس
- حضرتك إحنا سألناها ووافقت
- هي مين؟




يشير إلي الفتاة التي سرحت فيها فقلت له علي الفور



- مش حنرخم قوي يعني
- يعني حضرتك موافق
- إذا كان كده معلهش
- أنا مش عارف أشكرك إزاي يافندم (يحمل الأكل ويتوجه إلي مائدة الفتاة) اتفضل حضرتك



يضع طعامي أمامها ويشير إليّ بالجلوس



- اتفضل يافندم
- (لها) مساء الخير
- (تبتسم ولا ترد)
- أي خدمة تاني يافندم
- لا شكرا ً




ينصرف الجرسون وبدأت أنا في البحث عن أي جملة أقولها



- المطعم زحمة قوي النهاردة ... أنا كل يوم هنا عمري ماشفته زحمة كده
- (تنظر لي باستغراب)
- الظاهر حضرتك أول مرة تيجي هنا
- (تهز رأسها بالنفي مع نفس الابتسامة الهادئة)




آثرت عدم التحدث بعد هذا الإحراج،بدأت في تناول طعامي متجاهلها تماما ً،إلا أنا ظلت تنظر إليّ بشدة



- (مشيرا ًإلي الأكل) اتفضلي معايا
- (تشاور بيد رافضة وبالثانية تبرز البيبسي الذي تشربه)
- حضرتك خلصتي أكل؟
- (تهز رأسها بالايجاب)
- لو عايزة تاكلي قولي
- (تتأسف بكلتا يديها وتدير وجهها بعيدا ًعني)




أحرجتني بذوقها لكني مُصر علي أن تتكلم



- لو انتي مضايقة أقوم
- .......
- هو انتي مابتتكلميش ليه .... انتي خرساء
- (تقوم بسرعة وعنف من علي مقعدها آخذه حقيبة يدها)
- أنا آسف



لاتبالي بأسفي تمشي سريعا ًبين المائدات حتي تصل إلي باب الخروج،أتابعها حتي تختفي تماما ، تمضي لحظات وأنا متعجبا ًمن تصرفها هذا، أطلب (الجرسون) بغضب



- تحت أمرك يافندم
- فندم إيه بقي وزفت إيه ... إيه اللي انت مقعدني معاها دي
- مالها يافندم ... حصل حاجة
- ياعم مابتتكلمش قاعد بكلم نفسي
- ماهي خرساء حضرتك
- نعم !
- مابتكلمش
- ماشي ... حعديها واللي مابيكلمش ده يقعد يبص عن الناس وهي بتاكل
- حضرتك هي عمياء
- استهبل بقي ... ناقص تقولي مابتسمعش
- حضرتك أنا حكدب عليك ليه
- عماية إزاي وأنا شايفها بتخرج عادي بين كل الترابيزات دي
- هي حافظة المكان .. كل يوم هنا بقالها سنتين ... هو حصل حاجة منها ضايقت حضرتك
- لا أبدا ً... أنا اللي أعمي ... شكرا ً
- تحت أمرك يافندم




يذهب الجرسون وتظل أنظاري عالقة بالكرسي الذي كانت تجلس عليه وعدت أفكر فيها أكثر من ذي
قبل، نهضت من علي المائدة وذهب إلي الخارج مغمضا ًعيناي دون أن يلاحظ أحد ودون أن أصطدم بشيء وعندما وصلت إلي الباب أحسست بإحساس مغاير تماما ًعن ما دخلت به

__________________
قلوووووووووووووووووووووووووووب حائرة

mazafir غير متواجد حالياً   رد مع اقتباس

قديم 10-16-2008, 02:51 AM   #2


 الصورة الرمزية Lady Eva

 
تاريخ التسجيل: Sep 2007
الدولة: في ارض الله الواسعة
المشاركات: 6,677
افتراضي

بصراحة شعرت بالحزن عليها


والمتطفل ...يعني لازم يتكلم
ياريت ياكل وهو ساكت



شكرا اخي

بارك الله فيك


تحيتي

Lady Eva غير متواجد حالياً   رد مع اقتباس

قديم 10-16-2008, 11:56 AM   #3


 
تاريخ التسجيل: Sep 2007
الدولة: رحاب المغرب - العاصمة
المشاركات: 9,321
افتراضي

ههههههههههه

ربما الفتاة خرساء لا تتكلم

أو أن حزنها على شيء ما جعلها صامتة

__________________


MAISIMO غير متواجد حالياً   رد مع اقتباس

قديم 11-01-2008, 09:30 PM   #4


 الصورة الرمزية abdar2008

 
تاريخ التسجيل: Jul 2008
الدولة: المغرب
المشاركات: 49
افتراضي

بصراحة شعرت بالحزن عليها


والمتطفل ...يعني لازم يتكلم
ياريت ياكل وهو ساكت



شكرا اخي

بارك الله فيك


تحيتي
نفس الملاحظة ونفس التحية

__________________


صفحة ستبقى شاهدة مع مر الزمن على لحظة من حياتنا مرت بنا ... وبقيت منقوشة هاهنا...
abdar2008 غير متواجد حالياً   رد مع اقتباس
إضافة رد



الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 11:45 PM.
 sitemap
سياسة الخصوصيه Privacy Policy
 
Powered by vBulletin


Copyright ©2000 - 2009, Jelsoft Enterprises
RehabMaroC.Com